އަންނަ އަހަރު ސަރުކާރު އެއްވެސް ވަޒީފާއަކަށް މީހުނެއް ނުނަގާނެ: ޖިހާދު
23 އޮކްޓޯބަރ 2014 10:22
އަންނަ އަހަރު ސަރުކާރު އެއްވެސް މަގާމަކަށް މުވައްޒަފުން ނުނެގުމަށް ނިންމާފައިވާކަމަށް މިނިސްޓަރ އޮފް ފިނޭންސް އެންޑް ޓްރެޜަރީ ޢަބްދުﷲ ޖިހާދު ވިދާޅުވެއްޖެއެވެ.
ޖިހާދު ވިދާޅުވީ އަންނަ އަހަރަކީ "އެމްޕްލޯއީ މަންޓް ފްރީޒް" އަހަރެއްގެ ގޮތުގައި ކަނޑައެޅުމަށް ރައީސުލްޖުމްހޫރިއްޔާ އަބްދުﷲ ޔާމިން ކަނޑައަޅުއްވާފައިވާކަމަށެވެ.
ރޭ ރައްޔތުން މަޖިލީހުގެ މާލިއްޔަތު ކޮމެޓީގައި ވާހަކަ ދައްކަވަމުން ޖިހާދު ވިދާޅުވީ ރިޔާސީ އިންތިހާބުގައި ސަރުކާރުން ވެފައިވާ ވައުދާ އެއްގޮތަށް 95000 ވަޒީފާގެ ފުރުސަތު އުފައްދެމަށް ހަމަޖައްސާފައިވަނީ، އަމިއްލަ ނުވަތަ ޕްރައިވެޓް ކުންފުނިތަކުން ކަމަށެވެ.
"ސަރުކާރު ވަޒީފާއަކަށް މީހުން ނަގާނީ ވަރަށް ނާދިރު ހާލަތެއްގައި. 5000 މަގާމަށް މީހުން ނެގުމަށް އަންގާފައިވާ ކަމަށާއި ނަމަވެސް ރައީސް އަބްދުﷲ ޔާމީން ނިންމަވާފައި ވަނީ އަންނަ އަހަރަކީ "އެމްޕްލޯއީމަންޓް ފްރީޒް" އަހަރެއް ކަމަށް،" ޖިހާދު ވިދާޅުވިއެވެ.
ކިޔުންތެރިންގެ ހިޔާލު