ހަކަތައިގެ ޔަގީންކަން ހޯދުމަކީ ހަރުދަނާ އިގްތިސާދެއް ގާއިމުކުރުމަށްޓަކައި ކޮންމެހެން ބޭނުންކަމެއް: ޠާރިޤު

ހަކަތައިގެ ޔަގީންކަން ހޯދުމަކީ ހަރުދަނާ އިގްތިސާދެއް ގާއިމުކުރުމަށްޓަކައި ކޮންމެހެން ބޭނުންކަމެއް ކަމަށް މިނިސްޓަރ އޮފް އެންވަޔަރަންމަންޓް އެންޑް އެނަރޖީ ޠާރިޤު އިބްރާހީމް ވިދާޅުވެއްޖެއެވެ.

ދުނިޔޭގެ ހަކަތައިގެ ދުވަހުގެ މުނާސަބަތުއި އިއްޔެ މިނިސްޓަރ ދެއްވި ބަޔާނުގައި ވިދާޅުވީ، ތެލުގެ އަގަށް އަންނަ ބަދަލުތަކުގެ އަސަރު ރާއްޖޭގެ އިގުތިސާދަށްކުރާކަމަށެވެ. އެއީ ރާއްޖޭގެ ސިޔާދަތާއި އިސްތިގުލާލަށް ހުރި ނުހަނު ބޮޑު ބިރެއް ކަމަށް ވެސް ވިދާޅުވިއެވެ. ތޯރިގު ވިދާޅުވީ ރާއްޖެ ހިމެނެނީ ދެކުނު އޭޝިއާގެ ގައުމުތަކުގެތެރެއިން އާބާދީގެ ނިސްބަތުން އެންމެ ގިނައިން ހަކަތަ ބޭނުންކުރާ ގައުމުތަކުގެ ތެރޭގައި ރާއްޖެ ހިމެނޭކަމަށް އޭނާ ވިދާޅުވިއެވެ. 

ންމެ ގިނައިން ކަރަންޓު ބޭނުންކުރެވެނީ އިމާރާތްތައް ފިނިކުރުމަށް ކަމަށާއި ޖުމްލަގޮތެއްގައި ކަރަންޓު ބޭނުންކުރެވޭ މިންވަރުގެ 60 އާއި 70 އިން ސައްތަ ބޭނުންކުރެވެނީ އިމާރާތްތައް ފިނިކުރުމަށް ކަމަށް މިނިސްޓަރ ވިދާޅުވިއެވެ. ސަރުކާރުގެ އަމާޒަކީ ކޮންމެ ރަށެއްގައި ދުވާލު ކަރަންޓު ބޭނުންކުރާ އެންމެ މަތީ މިންވަރުގެ 30 ޕަސެންޓް އިއާދަކުރަނިވި ހަކަތައިން އުފެއްދުން ކަމަށް ވެސް އޭނާ ދެއްވި ހިތާބުގައި ވިދާޅުވިއެވެ.