މިއަހަރުގެ ބަޖެޓު ޑެފިސިޓް 4.5 ބިލިއަން ރުފިޔާއަށް އަރާނެ: ޖިހާދު
އަންނަ އަހަރުގެ ބަޖެޓު 23 ބިލިއަނަށް އަރާނެކަމަށް އަންދާޒާކުރެވޭ
20 އޮކްޓޯބަރ 2014 13:36
މިއަހަރުގެ ބަޖެޓު ޑެފެސިޓް 4.5 ބިލިއަން ރުފިޔާއަށް އަރާނެކަމަށް ފިނޭސް މިނިސްޓަރ އަބްދުﷲ ޖިހާދު އަންދާޒާ ކުރައްވައިފިއެވެ.
ބަޖެޓު ޑެފެސިޓް އަންދާޒާ ކުރައްވައި ޖިހާދު ވާހަކަ ދައްކަވާފައިވަނީ ޖުމްހޫރީ ޕާޓީ (ޖޭޕީ) ގެ ޕާލިމެންޓަރީ ގުރޫޕު މެމްބަރުންނާ ރޭ ފިނޭސް މިނިސްޓްރީގައި ބައްދަލުކުރައްވައި ވާހަކަ ދައްކަވަމުންނެވެ.
އޭނާ ވިދާޅުވީ މިނިސްޓަރ ޖިހާދު ވިދާޅުވީ ސަރުކާރުގެ ލޯންތަކުގެ އަދަދު ނުހިމަނާ މިއަހަރުގެ ބަޖެޓުގެ ޑެފިސިޓް ދެ ބިލިއަން ރުފިޔާއަށް އަރާނެ ކަމަށެވެ.
އަންނަ އަހަރަށް ދައުލަތުގެ ބަޖެޓުގެ ޖުމްލަ އަދަދު 23 ބިލިއަން ރުފިޔާއަށް އަރާނެ ކަމަށް އަންދާޒާކުރެވޭކަމަށް ވެސް ޖިހާދު ވިދާޅުވިއެވެ. އަންނަ އަހަރުގެ ބަޖެޓު ކަނޑައެޅުމުގެ މަސައްކަތްތައް މިހާރުވެސް ކުރިއަށްދާކަށް ވެސް އޭނާ ވިދާޅުވިއެވެ.
އަންނަ އަހަރުގެ ބަޖެޓު މިއަހަރުގެ ބަޖެޓަށްވުރެ ގާތްގަނޑަކަށް ދެ ގުނަ ބޮޑުވާނެކަމަށް ފިނޭސް މިނިސްޓަރ އަންދާޒާ ކުރައްވާފައިވީނަމަވެސް، މިއަހަރުގެ ބަޖެޓުވެސް ބޮޑުކަމަށް ބުނެ ޕީޕީއެމުން މީގެ ކުރިން ވަނީ ފާޑުކިޔާފައެވެ. އެކަން ޖުމްހޫރީ ޕާޓީގެ ލީޑަރު ގާސިމް ވެސް ވަނީ އެ ބައްދަލުވުމުގައި ފާހަކަ ކުރައްވައި ވާހަކަ ދައްކަވައިފައެވެ.
ކިޔުންތެރިންގެ ހިޔާލު