ގައިދީން ހޯދުމަށް ވެހިކަލްތައް ބަލައި ފާސްކުރަންފަށައިފި

މާފުށީޖަލުން މިދިޔަ ހުކުރު ދުވަހުގެރޭ ފިލި ދެ ގައިދީން ހޯދުމަށް މާލޭގައި ދުއްވާ އުޅަނދުތައް ބަލައި ފާސްކުރަން ފަށައިފިއެވެ.

ފުލުހުންހިންގާ ހާއްސަ އޮޕަރޭޝަނުގެ ދަށުން ކާރާއި ޕިކަޕާއި ލޮރީ ފަދަ ވެހިކަލްތައް ހުއްޓުވައި، ފާސް ކުރަމުން ގެންދާނެކަމަށް ފުލުހުން ބުނެއެވެ. 

އުމުރު ދުވަހުގެ ހުކުމެއް ތަންފީޒު ކުރަމުން ދަނިކޮށް ހުކުރު ދުވަހުގެ ރޭ މާފުށީ ޖަލުން ފިލާފައިވަނީ، ގ. ކޯޒީ އިބްރާހިމް ޝަހުމް އާދަމާއި ގއ. މާމެންދޫ ޖަވާހިރުވާދީ ފަރިޔާޝް އަހުމަދެވެ. 

މި ދެމީހުންނަކީވެސް ނުރައްކާތެރި ކުށްވެރިންގެ ގޮތުގައި ފުލުހުން ބްލެކް ލިސްޓުކޮށްފައިވާ ދެ މީހުންނެވެ.