މަޖިލިސް މެމްބަރުން ރައްކާތެރިވާން އަންގައިފި
20 އޮކްޓޯބަރ 2014 0:34
މެމްބަރަކު ކޮންމެހެން ބޭރަށް ނުކުންނަން ޖެހިވަޑައިގެންފިނަމަ ސަލާމަތަށާއި ރައްކާތެރިކަމަށް އިތުރު ސަމާލުކަމެއް ދެއްވުމަށް މޯލްޑިވިސް ނެޝަނަލް ޑިފެންސް ފޯސް (އެމްއެންޑީއެފް) އިން އަންގައިފިއެވެ.މ
މީގެއިތުރުން އެމްއެންޑީއެފުންވަނީ މަޖިލީހުގެ މެންބަރުންނަށް ސެކިއުރިޓީ ހަމަޖައްސައިދޭން ވެސް އަންގައިފައެވެ. މާދަމާއިން ފެށިގެން ކޮންމެ ދުވަހަކު ހެނދުނު 7:00 އިން މެންދަމު 1:00 އަށް ސެކިއުރިޓީދޭން ނިންމާފައިވާކަމަށް މަޖިލިސް އިދާރާއިން ބުނެއެވެ. ނަމަވެސް ސެކިއުރިޓީ ހަމަޖައްސާނީ އެކަށް އެދި ހުށަހަޅާ މެމްބަރުންނަށްކަމަށްވެސް މަޖިލިސް އިދާރާއިން ބުނެފައިވެއެވެ.
މަޖިލިސް މެމްބަރުންނަށް އަލުން ސެކިއުރިޓީ ދޭން ނިންމާފައިވަނީ، ގ. ކޯޒީ އިބްރާހިމް ޝަހުމް އާދަމާއި ގއ. މާމެންދޫ ޖަވާހިރުވާދީ ފަރިޔާޝް އަހުމަދު މިދިޔަ ހުކުރު ދުވަހުގެ ރޭ މާފުށީ ޖަލުން ފިލާފައިވަނިކޮށެވެ. އެމީހުންނާމެދު ސަމާލުވުމަށް ފުލުހުން ވަނީ އިލްތިމާސްކޮށްފައެވެ. އުމުރު ދުވަހުގެ ޖަލު ހުކުމެއް ތަންފީޒުކުރަމުން ދިޔަ ދެ ކުށްވެރިން ފިލާފައިވާއިރު އެ ދެމީހުންހުންނަކީ ވެސް ނުރައްކާތެރި ކުށްވެރިންގެ ގޮތުގައި ފުލުހުން ބްލެކްލިސްޓުކޮށްފައިވާ ދެ މީހުންނެވެ.
ކިޔުންތެރިންގެ ހިޔާލު