ނުރައްކާތެރި ދެ ގައިދީން މިނިވަންވީ ސަރުކާރުގެ ނުކުޅެދުންތެރިކަމުން: އެމްޑީޕީ
18 އޮކްޓޯބަރ 2014 15:23
ނުރައްކާތެރިކުށްވެރިންގެ ގޮތުގައު ފުލުހުން ބްލެކްލިސްޓު ކޮށްފައިވާ ދެ ގައިދީން ޖަލުން ފިލާފައިވަނީ ސަރުކާރުގެ ނުކުޅެދުންތެރިކަމުން ކަމަށް އެމްޑީޕީން ބުނެފިއެވެ.
ގ. ގޯޒީ އިބްރާހީމް ޝަހުމް އާދަމް 23، އާއި ގއ. މާމެންދޫ ޖަވާހިރު ވާދީ. ފަރިޔާޝް އަހުމަދު 26، ރޭ ޖަލުން ފިލާފައިވަނީ ޖަލުގެ ގޮޅިއެއްގެ ވެނޓިލޭޝަން ގޮޅިއެއް ކަފާލައިގެންނެވެ.
ރައީސް ޔާމީނު ވެރިކަމާ ހަވާލުބެ ވަޑައިގެންނެވިފަހުން، މީހުން މެރުމާއި ވަޅިހެރުމާއި މާރާމާރީ ހިންގުމާއި މީހުން "ވަގަށް ނެގުމާ"އި މަރުގެ އިންޒާރުދިނުން ފަދަ ކަންކަން އާއްމުވެ މުޖުތަމައު އިންތިހާ ދަރަޖަ އަށް ނާމާންވެފައިވާ ކަމަށް ވެސް އެމްޑީޕީން ނެރުނު ބަޔާނެގައި ބުނެފައިވެއެވެ. ޖަލު ފަޅާލައިގެން ކުށްވެރިންތަކަކަށް ނިކުމެވުނީ ސަރުކާރުގެ "ނުކުޅެދުންތެރިކަމާއި ޒިންމާދާރުކަންކުޑަކަމުން ކަމަށް ވެސް އެ ބަޔާނުގައި ބުނެފައިވެއެވެ.
ދެ ކުށްވެރިން ފިލި މައްސަލާގައި ފުރިހަމަ ތަހުގީގެއް ހިންގައި އިހުމާލުވާ ފަރާތްތަކާ މެދު ފިޔަވަޅު އެޅުމަށް އެ ޕާޓީން ވަނީ ގޮވާލައިފަ އެވެ.
ކިޔުންތެރިންގެ ހިޔާލު