ނުރައްކާތެރި ދެ ގައިދީއަކު ޖަލުން ފިލައިފި

ނުރައްކާތެރި ދެ ގައިދީއަކު ޖަލުން ފިލައިފިއެވެ.

މިރޭ ޖަލުން ފިލާފައިވަނީ،  ގ. ކޯޒީ އިބްރާހިމް ޝަހުމް އާދަމާއި އިތުރުން ގއ. މާމެންދޫ، ޖަވާހިރުވާދީ، ފަރިޔާޝް އަހުމަދެވެ. 

ދެމީހުން ފިލާފައިވަނީ ޖަލުގެ ވެންޓިލޭޝަން ތޭރިތައް ކަފާލައިގެން މިރޭ 8:30 ހައިއިރު ކަމަށް ހޯމް މިނިސްޓްރީން ބުނެއެވެ. 

ޝަހުމް ޖަލަށް ލާފައިވަނީ، 2010 ވަނަ އަހަރު މާޒިޔާ ދަނޑު ކައިރީގައި މ. ބިއުޓީފްލާވާ މުހައްމަދު ހުސައިނަށް ހަމަލާދީ މަރާލި މައްސަލައާ ގުޅިގެންނެވެ.  ފަރިޔާޝް އަކީ  ގއ. މާމެންދޫގައި 2006 ވަނަ އަހަރު ހިންގި މާރާމާރީއެއްގައި މަރުވި ގއ. ވިލިނގިލީ ކަނޑުއޮޅި މުހައްމަދު ޝިހާބުގެ ގާތިލުންގެ ތެރޭގައި ހިމެނޭ މީހެކެވެ. 

މި ދެ މީހުންނާ ބެހޭ އެއްވެސް މަޢުލޫމާތެއް ލިބިފައިވާނަމަ އެމަޢުލޫމާތެއް މޯލްޑިވްސް ޕޮލިސް ސަރވިސްގެ ހޮޓްލައިން ނަމްބަރު 3322111 އަށް ނުވަތަ ސީރިއަސް އެންޑް އޯގަނައިޒްޑް ކްރައިމް ޑިޕާޓްމަންޓްގެ ނަމްބަރު 9911099 އަށް ގުޅުއްވައި ހިއްސާކުރުމަށް ފުލުހުން ވަނީ އެދިފައެވެ.