އަފްރާޝީމް އަވަހާރަކޮށްލި ބަޔަކާ، ރިޟްވާނު ގެއްލުވާލީ ކޮންބައެއްކަން ރައީސް ޔާމިން ހާމަކޮށްދެއްވަންޖެހޭނެ: ރައީސް ނަޝީދު
12 އޮކްޓޯބަރ 2014 11:32
އުނގޫފާރު ދާއިރާގެ މެމްބަރު ޑރ. އަފްރާޝީމް އަލީ އަވަހާރަކޮށްލުމުގެ ފަހަތުގައި ތިބީ ކޮންބައެއްކަމާ، މިނިވަން ނޫހުގެ ނޫސްވެރިއާ އަހުމަދު ރިޟްވާން ގެއްލުވާލުމުގެ ފަހަތުގައި ތިބީ ކޮންބައެއްކަމާ، އެމްޑީޕީ ޖަލްސާތަކަށް ހަމަލާ ދެނީކޮންބައެއްކަން ރައީސުލްޖުމްހޫރިއްޔާ އަބްދުﷲ ޔާމިން ސާފުކޮށްދެއްވަން ޖެހިވަޑައިގަންނަވާނެކަމަށް ރައީސް މުހައްމަދު ނަޝީދު ވިދާޅުވެއްޖެއެވެ.
ރޭ ފުވައްމުލަކުގައި އެމްޑީޕީން ބޭއްވި ޖަލްސާގައި ވާހަކަ ދައްކަވަމުން ރައީސް ނަޝީދު ވިދާޅުވީ، ރައީސް ނަޝީދު ވިދާޅުވީ މިކަން ކުރަނީ ސަރުކާރާއި ސަރުކާރާއި ގުޅުންހުރި ބައެއް ނޫންކަމަށް ބުނާއިރު ޖަލްސާއަށް ހުރަސްއަޅާ ތިންވަނަ ބާރެއް އެބައުޅޭ ކަމަށެވެ. ތިން ވަނަ އަތުން ރައީސް ޔާމީންގެ ވެރިކަން ވައްޓާލަފާނެތީ ކަންބޮޑުވެވަޑައިގަންނަވާކަމަށްވެސް ރައީސް ނަޝީދު ވިދާޅުވިއެވެ.
"ޑރ އަފްރާޝީމް އަވަހާރަކޮށްލީ ކޮންބައެއްކަމަށާއި މިނިވަން ނޫހުގެ ނޫސްވެރިޔާ އަހުމަދު ރިލްވާން ގެއްލުވާލީ ކޮންބައެއްކަމާއި އެމްޑީޕީ ޖަލްސާއަށް ހުރަސް އަޅަނީ ކޮންބައެއްކަންވެސް ރައީސް ޔާމީން ސާފުކޮށްދެއްވަން ޖެހިވަޑައިގަންނަވާ" ރައީސް ނަޝީދު ވިދާޅުވިއެވެ.
އައްޑޫސިޓީގައި އެމްޑީޕީން ހުކުރު ދުވަހުގެ ރޭ ބޭޢްވި ޖަލްސާއަށް ހުރަސްއަޅި މީހުން އިއްޔެ ވަނީ ހައްޔަރު ކުރުމަށްފަހު ދޫކޮށްލައިފައެވެ. ރައީސް ޔާމީނު ވިދާޅުވެފައިވަނީ، އެމްޑީޕީގެ ޖަސްލާތަކަށް ހުރަސްއަޅާ ތަންތަން ރޯކޮށް ހަދަނީ ސަރުކާރުން ނޫންކަމަށެވެ.
ކިޔުންތެރިންގެ ހިޔާލު