ކުލިއްޔާ ޔުނިވާސިޓީއަކަށް ބަދަލުކުރުމަށް ސަރުކާރުން ނިންމައިފި
9 އޮކްޓޯބަރ 2014 14:05
ކުއްލިއްޔަތުއް ދިރާސާތުލް އިސްލާމިއްޔާ، ގާނޫނެއްގެ ތެރެއިން ޔުނިވަރސިޓީއަކަށް ބަދަލު ކުރުމަށްޓަކައި މަޖިލީހަށް ބިލެއް ހުށަހަޅަން ސަރުކާރުކާރުން ނިންމައިފިއެވެ.
މިހާރު ކޮލެއްޖެއްގެ ގޮތުގައި ހިންގަމުން ގެންދާ ކުއްލިއްޔަތުއް ދިރާސާތުލް އިސްލާމިއްޔާ، ޔުނިވަރސިޓީއަކަށް ބަދަލު ކުރުމަށް ކުރިން ނިންމާފައިވަނީ ރައީސުލް ޖުމްހޫރިއްޔާގެ ގަރާރަކުންނެވެ.
ރައީސް އޮފީހުގެ ތަރުޖަމާނު އިބްރާހިމް މުއާޒު ވިދާޅުވީ ގާނޫނެއްގެ ދަށުން އެތަން ޔުނިވަރސިޓީއަކަށް ބަދަލު ކުރުމަށް ސަރުކާރުން ނިންމެވީ ގާނޫނީ ބާރުވެރިކަން ހޯއްދަވައި ދެއްވުން ކަމަށެވެ.
އެކަމަށް ބޭނުންވާ ގާނޫނު ފާސްކުރުމުގެ ބިލް ރައްޔިތުންގެ މަޖިލިސް ހުޅުވުމާ އެކު ސަރުކާރުން މަޖިލީހަށް ހުށަހަޅުއްވާނެ ކަމަށްވެސް އޭނާ ވިދާޅުވިއެވެ. ކުއްލިއްޔާ ޔުނިވަރސިޓީއަކަށް ބަދަލު ކުރުމަކީ ރައީސް ޔާމީންގެ ރިޔާސީ ވަޢުދުގެ ތެރޭގައި ހިމެނޭ ކަމެކެވެ.
ކުއްލިއްޔާ ޔުނިވާސިޓީއަކަށް ހެދުމަށްޓަކައި ވާންޖެހޭ ތައްޔާރީތައް މިހާރުވެސް ދަނީ ވަމުންނެވެ. އޭގެ ތެރޭގައި ބައެއް މަސައްކަތް މިހާރުވަނީ ނިމިފައެވެ. އެތަނަށް ބޭނުންވާ ޓީޗަރުން ހޯދުމަށް ސަރުކާރުން މިހާރުވަނީ އިޢުލާންވެސް ކޮށްފައެވެ.
ކިޔުންތެރިންގެ ހިޔާލު