ކިޔަވާ ކުދިންތަކެއްގެ ބަރަހަނާ ވީޑިއޯ ގެންގުޅުނު މައްސަލައިގައި ދެ މީހަކު ހައްޔަރުކޮށްފި

ބަރަހަނާ ވީޑިއޯ ގެންގުޅުނު މައްސަލައިގައި އައްޑޫން ދެ މީހަކު ހައްޔަރުކޮށްފިއެވެ.

ހައްޔަރުކޮށްފައިވާ މީހުންގެ މައުލޫމާތެއް ފުލުހުން އާންމެއް ނުކުރެއެވެ. އެހެން ނަމަވެސް އެ މީހުންގެ ބަންދުގެ މުއްދަތަށް އައްޑޫ މެޖިސްޓްރޭޓު ކޯޓަކުން ފަސްދުވަހުގެ މުއްދަތެއް ދީފައިވާކަމަށް ފުލުހުން ހާމަކުރެއެވެ.

އައްޑޫން ވާހަކަ ދެއްކި މީހަކު ބުނީ އެމީހުން ހައްޔަރުކޮށްފައިވަނީީ ފޭދޫ ސްކޫލްގެ ގްރޭޑް 10 އެއްގައި ކިޔަވާ ކުއްޖަކާއި، އިރުޝާދިއްޔާ ސްކޫލްގެ ގްރޭޑް 10 އެއްގައި ކިޔަވާ ކުއްޖަކު ވެބްކެމް މެދުވެރިކޮށް، ކޮށްފައިވާ އަހްލާގީ ގޮތުން ދަށްފެންވަރުގެ ވީޑިއޯއެއްގެ މައްސަލައިގައިކަމަށެވެ.

އެ މައްސަލައިގައި ފޭދޫ ސްކޫލްގެ 9 ދަރިވަރަކު ފުލުހުން ހައްޔަރުކުރިއެވެ. އެހެން ނަމަވެސް އެކުދިން ވަނީ ދޫކޮށްލައިފައެވެ.