ގެއްލިގެން ހޯދަމުން ދިޔަ މީހަކު ވަލުތެރޭގައި ނިދާފައި އޮއްވާ ފެނިއްޖެ

ހައްދުންމަތީ ގަމުގައި ގެއްލިގެން ހޯދަމުން ދިޔަ މީހަކު ވަލުތެރޭގައި ނިދާފައި އޮއްވާ ފެނިއްޖެއެވެ.

ގަމު  ތުނޑީ އަވަށު ރަންދެލި، އަބްދުﷲ ނަސީރެ 50، ރޭ ގެއްލިގެން ފުލުހުންނަށް ރިޕޯޓުކޮށްފައިވަނީ، ރޭ  ރޭ 23:24 ހާއިރުއެވެ. ގަމު މީހަކު ބުނީ އެނާ ގެއިން ނުކުމެގެން ގޮސްފައިވަނީ އާއިލާ މީހަކާ ޖެހުނު މައްސަލައެއްގައިކަމަށެވެ.

އޭނާ ހޯދުމުގެ މަސައްކަތް ގަމު ރައްޔިތުންނާ ސިފައިނާއި ފުލުހުން ކޮށްފައިވެއެވެ. އޭނާ ފެނުނީ މިއަދު 10:50 ހާއިރު އެ ރަށު ތުނޑީ އިރުމަތީ ފަރާތު ވަލުތެރޭގައި ނިދާފައި އޮއްވައިކަމަށް ފުލުހުން ބުނެއެވެ. އޭނާ ފެނުނުއިރު އޭނާގެ ހާލު ރަނގަޅެވެ.