ފަތުހު ހައްޖު ގުރޫޕުގެ ވެރިއާގެ ބަންދުގެ މުއްދަތު އިތުރުކޮށްފި

އަލްފަތުހު ހައްޖު އެންޑް އުމްރާ ގްރޫޕްގެ މެނޭޖިންގް ޑިރެކްޓަރު މ. އެކްސަލް، މުސްތަފާ މުހައްމަދު،68، ގެ ބަންދުގެ މުއްދަތަށް އިތުރު 10 ދުވަސް ކްރިމިނަލް ކޯޓުން އިއްޔެ ދީފިއެވެ.

އޭނާ ހައްޔަރުކޮށްފައިވަނީ އިސްލާމިކް މިނިސްޓްރީން ދޫކޮށްފައިވާ ކޯޓާއަށް ވުރެ އިތުރަށް މީހުން ހައްޖަށް ގެންދިއުމަށް ފައިސާ ނެގިމައްސަލައިގައިއެވެ. 

އޭނާ ހައްޔަރުކޮށްފައިވަނީ  މި ދިޔަ މަހުގެ 12 ވަނަ ދުވަހުއެވެ. 

މިފަދަ މައްސަލައެއްގައި 2012 ވަނަ އަހަރު މަލީޝާ ހައްޖު ގުރޫޕުގެ ވެރިއާ އަބްދުލް ލަތީފް ވެސް ހައްޔަރު ކޮށްފައިވެއެވެ. ހައްޖަށް ގެންގޮސް ދޭނެ ކަމަށް ބުނެ 126 މީހެއްގެ އަތުން 8.6 މިލިއަން ރުފިޔާ އޭނާ ނަގާފައިވެއެވެ.