ހާއްސަ ރޭޓެއްގައި ސައުދީއަށް ގުޅޭ ޕްރޮމޯޝަނެއް އުރީދޫން ތައާރަފްކޮށްފި

ހައްޖަށް ގޮސް ތިބި ދިވެހިންނަށް ގުޅުމަށް އުރީދޫން ހާއްސަ ޕްރޮމޯޝަނެއް ފަށައިފިއެވެ.

އަލްހާ އީދު ދުވަހުގެ މުނާސަބަތުގައި އުރީދޫން ހިންގާ ޕްރޮމޯޝަނުގައި ސައުދީ އަރަބިއްޔާއަށް މިނެޓަކު 1.95 ރުފިޔާއަށް ގުޅޭނެކަމަށް އުރީދޫން ބުނެއެވެ.  

އީދު ދުވަހުގެ މުނާސަބަތުގައި އުރީދޫގެ ކަސްޓަމަރުންނަށް ހިލޭ ޑޭޓާ އާއި ކްރެޑިޓް ލިބޭ ޕްރޮމޯޝަނެއް ވެސް ވަނީ ފަށައިފައެވެ. މިގޮތުން މިއަދު ހެނދުނު 6 އިން ހެނދުނު 9 ޖެހުމާ ދެމެދު "ޔޭސް" ޖެހުމަށް ފަހު 5500 އަށް މެސެޖު ކުރުމުން 30 އެމްބީ ހިލޭ ލިބޭނެ ކަމަށް އުރީދޫން ބުނެ އެވެ. އަދި ރީތި ޓިއުންސްގެ ހިދުމަތް ސެޓްކޮށްގެން އައިފޯން އެސް ފައިވް ފޯނެއް ހޯދުމުގެ ފުރުސަތު ވެސް ލިބެ އެވެ. އެ ހިދުމަތް "ގޯ" ޖެހުމަށް ފަހު 4000 އަށް އެސްއެމްއެސް ކުރުމުން ލިބެ އެވެ. އަދި އުރީދޫގެ ޕްރިޕެއިޑް ބްރޯޑްބޭންޑް ޑޭޓާ ޕެކޭޖުތައް އެކްޓްޓިވޭޓް ކޮށްގެން 899 އެމްބީއާ ހަމައަށް ހިލޭ ބޯނަސް ހޯދުމުގެ ފުރުސަތު ވެސް ލިބޭނެ ކަމަށް އުރީދޫން ބުނެއެވެ.