ރާއްޖެ އެބޯލާއިން ރައްކާތެރިކުރާނެ އޮނިގަނޑެއް އެކުލަވައިލައިފި
3 އޮކްޓޯބަރ 2014 10:59
ރާއްޖެއަށް އެބޯލާ ފެތުރުނަނުދިނުމަށް ބައިނަލްއަގުވާމީ އުސޫލުތަކާ އެއްގޮތަށް ދިވެހިރާއްޖޭގައި އުސޫލެއް އެކުލަވާލައިފައިވާކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ރޭ ހާމަކޮށްފިއެވެ.
އެޗްޕީއޭއިން އާންމުކުރި ބަޔާނެއްގައި ބުނެފައިވަނީ، އެބޯލާ ބަލިން ރާއްޖޭގެ ރައްޔިތުން ރައްކާތެރިވުމަށްޓަކައި ވާންޖެހޭ ތައްޔާރީތައް ވުމުގައި މިނިސްޓްރީ އޮފް ހެލްތާއި އަދި ގުޅުން ހުރި އެހެން މުއައްސަސާތަކާއި މަޝްވަރާ ކުރެވިފައިވާކަމަށެވެ.
"އިންޓަނޭޝަނަލް ގައިޑްލައިންތަކުގައިވާ ގޮތަށް، މި ބަލިން ރައްކާތެރިވުމަށްޓަކައި އަމަލު ކުރާނެ އުސޫލެއް މިހާރު ވަނީ ތައްޔާރު ކުރެވިފައި،" ވާކަމަށްވެސް އެ އެޖެންސީން ހާމަކުރެއެވެ.
އެ އޮނިގަނޑުގެ ދަށުން އެބޯލާ އުޅޭ ކޮންމެ ގައުމަކުން ރާއްޖެ އަންނަ މީހުން ފާހަގަކޮށް، ޝައްކު ކުރެވޭ އަލާމާތެއް ފެނޭތޯ ބެލުމަށް 21 ދުވަސް ވަންދެން އެމީހުންގެ ސިއްހީހާލަތު ބަލަމުން އަންނަކަމަށް އެޗްޕީއޭއިން ބުނެއެވެ.
ފާއިތުވީ އެއްމަސް ދުވަހުގެ ތެރޭގައި މިހާތަނަށް 109 މީހެއްގެ ހަށިގަނޑުނެ އެބޯލާގެ އެއްވެސް އަލާމާތެއް ފެނޭތޯ ބަލާފައިވާކަމަށް އެ އެޖެެންސީން ހާމަކުރެއެވެ. ނަމަވެސް އެއިން އެއްވެސް މީހެއްގެ ހަށިގަނޑުން އެ ބަލީގެ އެއްވެސް އަލާމާތެއް ފެނިފައިނުވާކަމަށް އެޗްޕީއޭއިން ރޭ ނެރުނު ބަޔާނުގައި ބުނެފައިވެއެވެ.
ކިޔުންތެރިންގެ ހިޔާލު