އީދަށް މޫސުން ރަނގަޅުވާނެ

މިއަހަރުގެ އަލްހާ އީދަށް ރާއްޖޭގެ ހުރިހާ ހިސާބަކަށްވެސް މޫސުން ރަނގަޅުވާނެ ކަމަށް މޯލްޑިވިސް ޑިޕާޓުމަންޓު އޮފް މީޓްރޮލޮޖީ (މެޓް) އޮފީހުން ލަފާކޮށްފިއެވެ.

މެޓް އޮފީހުން ބުނީ އަންނަ ހޮނިހިރު ދުވަހު ރާއްޖޭގެ ހުރިހާ ސަރަހައްދަކަށްވެސް މޫސުން ރަނގަޅުވާނެކަމަށް ލަފާކުރާކަމަށެވެ. 

އެހެންނަމަވެސް ރާއްޖެގެ މޫސުން ގޯސްވެ، ކަނޑު ގަދަވެ އަދި ވިއްސާރަ ދުވަސްވަރަކަށް ވާތީ މޫސުމަށް ބަލައިގެން ކަނޑު ދަތުރުތައް ކުރުމަށް ސިފައިންނާއި ފުލުހުން ވަނީ އިލްތިމާސްކޮށްފައެވެ.