އީދު ނަމާދަށް ޓާފް ދަންޑަށް ވަންނައިރު "ފައިވާން އަތަށް ނަގައިގެން" ވަނުމަށް އިލްތިމާސްކޮށްފި
1 އޮކްޓޯބަރ 2014 14:13
މިއަހަރު އަލްހާ އީދު ނަމާދުކުރުމަށް ޓާފު ދަނޑަށް ވަންނައިރު "ފައިވާން އަތަށް ނަގައިގެން ވަނުމަށް" އިސްލާމިކް މިނިސްޓްރީން އިލްތިމާސްކޮށްފިއެވެ.
އެހެން އަހަރުތަކެކޭ އެއްގޮތަށް މިއަހަރުވެސް އީދު ނަމާދު ކުރުމަށް އިސްލާމިކް މިނިސްޓްރީ ކަނޑައަޅައިފައިވަނީ ކުރިވަރު އެކުވެނީގެ އައުޓްޑޯ ކުޅިވަރުތައް ކުޅުމަށް ހާއްސަކޮށްފައިވާ ސަރަހައްދުގައެވެ. މިގޮތުން ފިރިހެނުން ނަމާދުކުރުމަށް ކަނޑައަޅާފައިވަނީ ސްޓޭޑިއަމްގެ ޓާފް ދަނޑު ސަރަހައްދުގައިކަމަށް އިސްލާމިކް މިނިސްޓްރީން ބުނެއެވެ.
ޓާފް ދަނޑުގެ ކާޕެޓުތައް ދާދިފަހުން ބަދަލުކޮށްފައި ވުމުން ނަމާދު ކުރުމަށް ކޮންމެ މީހަކުވެސް ދަނޑަށް ވަންނަ އިރު "ފައިވާން އަތައް ނަގައިގެން" ވަނުމަށް އެފްއޭއެމުން ވަނީ އެދިފައެވެ. އެފްއޭއެމް ގެ އެއްގުމާ އެއްގޮތަށް އަމަލުކުރުމަށް އިސްލާމިކް މިނިސްޓްރީއިން ވަނީ އިލްތިމާސްކޮށްފައެވެ.
އަންހެނުން ނަމާދުކުރާ އިންތިޒާމު ކުރެވިފައިވަނީކްރިކެޓް ދަނޑުގައިކަމަށް އެމިނިސްޓްރީން ބުނެއެވެ. އެހެން ނަމަވެސް އެ ސަރަހައްދަށް ވަންނަމުން "ފައިވާން އަތައް ނަގައިގެން" ވަނުމަށް އިލްތިމާސް ކޮށްފައެއްނުވެއެވެ.
މިއަހަރުގެ އަޟްހާ އީދު ނަމާދުގައި ގާތްގަނޑަކަށް 35000 މީހުންނަށް ބައިވެރިވުމުގެ ފުރުސަތު ލިބޭނެކަމަށް އިސްލާމިކް މިނިސްޓްރީން ބުނެއެވެ.
އީދު ނަމާދުގެ ސެކިއުުރިޓީ ބެލެހެއްޓުމަށް އެމްއެންޑީއެފް، މޯލްޑިވްސް ޕޮލިސް ސާވިސް، ސްކައުޓުން، ކެޑޭޓުނާއި ގާލްގައިޑުން ހަރަކާތްތެރިވަމުން ގެންދާނެކަމަށް އިސްލާމިކް މިނިސްޓްރީއިން ހާމަކުރެއެވެ.
ކިޔުންތެރިންގެ ހިޔާލު