އޮކްޓޫބަރު 13 ވަނަ ދުވަހު ރައްޔިތުން މަޖިލީހުގެ ތިންވަނަ ދައުރުފަށަން ނިންމައިފި
30 ސެޕްޓެމްބަރ 2014 12:26
ރައްޔިތުންގެ މަޖިލީހުގެ މިއަހަރުގެ ތިންވަނަ ދައުރުގެ ޖަލްސާތައް އަންނަ އޮކްޓޯބަރު މަހުގެ 13 ގައި ފެށުމަށް ރައްޔިތުންގެ މަޖިލީހުގެ ރައީސް ހަމަޖައްސަވައިފިއެވެ.
މަޖިލީހުގެ ދެވަނަ ދައުރު ނިންމާލާފައިވަނީ މިދިޔަ އޮގަސްޓު މަހުގެ 28 ވަނަ ދުވަހުއެވެ.
މަޖިލީސް ޗުއްޓީއަށް ދިއުމުގެ ކުރިން މަޖިލީހުގެ ރައީސް ވިދާޅުވެފައިވަނީ މަޖިލިސް ޗުއްޓީއަށް ދިއުމުގެ މަގުސަދަކީ މަޖިލިސް މެމްބަރުންނަށް އެބޭފުޅެއްގެ ދާއިރާތަކުގެ މެމްބަރުންނާ ބައްދަލު ކުރުމަށް ފުރުސަތު ދިނުން ކަމަށެވެ. މިއަދައުރުގައި މަޖިލީހުން "އުފެއްދުންތެރި" މަސައްކަތްތަކެއް ކުރެވިފައިވާކަމަށް ވެސް އޭނާ ވިދާޅުވިއެވެ.
ޗުއްޓީއަށް ދިއުމުގެ ކުރިން މަޖިލީހުން ވަނީ ބައެއް ބިލުތައް ފާސްކޮށްފައެވެ. އޭގެ ތެރޭގައި ސަރުކާރުން ހުށަހަޅާފައިވާ ސްޕެޝަލް އިކޮނޮމިކް ޒޯން (އެސްއީޒެޑް) ބިލު ފާހަގަކޮށްލެވެއެވެ. މީގެ އިތުރުންވެސް، ބައެއް ޤާނޫނުތައް އިޞްލާޙުކުރުމުގެ ބިލާއި، ފުލުހުންގެ ޤާނޫނަށް އިޞްލާޙު ގެނައުމުގެ ބިލާ، ދިވެހިރާއްޖޭގެ އިމިގްރޭޝަންގެ ޤާނޫނަށް އިޞްލާޙު ގެނައުމުގެ ބިލު ފާހަގަ ކޮށްލެވެއެވެ.
ކިޔުންތެރިންގެ ހިޔާލު