ތިނަދޫ ސްކޫލުތަކުގައި އަލުން ކިޔަވާދެން ފަށައިފި
0
30 ސެޕްޓެމްބަރ 2014 12:05
30 ސެޕްޓެމްބަރ 2014 12:05
ބޯކޮށް ވާރޭވެހި ފެން ބޮޑުވުމުގެ ސަބަބުން އިއްޔެ ކިޔަވައިދިނުން ހުއްޓާލާފައިވާ ގދ ތިނަދޫގެ ތިން ސްކޫލުގެ ކިޔަވައިދިނުން މިއަދު އަލުން ފަށާފައިވާކަމަށް ތިނަދޫ ކައުންސިލުން ހާމަކޮށްފިއެވެ.
އެކައުންސިލުން މިއަދު ބުނީ އެރަށުގައި އިއްޔެ ފެން ބޮޑުވުމުގެ ސަބަބުން 12 ގޭބިސީއަކަށް އެކިވަރުގެ ގެއްލުންތައް ލިބިފައިވާކަމަށެވެ. އޭގެތެރޭގައި އެންމެ ގިނައިން ގެއްލުން ވެފައިވަނީ އިލެކްޓްރޯނިކް ސާމާނަކަށް ވެސް އެ ކައުންސިލުން ހާމަކުރެއެވެ. ފުލުހުންނާ، އެރަށު ރައްޔިތުން ގުޅިގެން ކުރި މަސައްކަތުން ބޮޑުވެފައިވާ ފެންގަނޑު އިއްޔެ ހަވީރު ވަނީ ހިންދާލެވިފައިވާކަމަށް ކައުންސިލުން ހާމަކުރެއެވެ.
މިއަދު އެރަށުގެ މޫސުން ރަނގަޅުކަމަށާއި، އާންމު ހާލަތުވެސް ރަނގަޅުވަމުން އަންނަކަމަށް ކައުންސިލުން ބުންޏެވެ.
ޓެގްސް
ކިޔުންތެރިންގެ ހިޔާލު