ކަނޑު ދަތުރުފަތުރު ކުރުމުގައި ސަމާލުވުމަށް ސިފައިން އިލްތިމާސްކޮށްފި
30 ސެޕްޓެމްބަރ 2014 11:51
ކަނޑުދަތުރުފަތުރުކުރުމުގައި ސަމާލުވުމަށް މޯލްޑިވިސް ނެޝަނަލް ޑިފެންސް ފޯސް (އެމްއެންޑީއެފް) އިން އިލްތިމާސްކޮށްފިއެވެ.
އެމްއެންޑީއެފުން ބުނީ ރާއްޖެ އަށް ކުރަމުންދާ ވިއްސާރާގައި ދެކުނުގެ އަތޮޅުތަކަށް އެވްރެޖްކޮށް ގަޑިއަކު 30 މޭލާއި 40 މޭލާ ދެމެދުގެ ބާރުމިނެއްގައި އަދި ވިލާގަނޑުގައި 50 މޭލަށް ވައި ގަދަވާނެ ކަމަށް ލަފާކުރެވޭ ކަމަށެވެ.ސިފައިން ނެރެފައިވާ ބަޔާނެއްގައި ބުނެފައިވަނީ މުދާ އުފުލާ އުޅަނދުފަހަރު ވެސް މުދާ ބަރުކުރުމުގައި އެކަށީގެންވާ ވަރަށްވުރެ ބޮޑަށް ބަރުނުކުރުމަށް އެދޭކަމަށެވެ.
ފަސިންޖަރުންނަށް ލައިފްޖެކެޓް ހަމަކުރުމާ، އެތަކެތި ފަސޭހައިން އަތުޖެހޭގޮތަށް ބެހެއްޓުމަށްވެސް ސިފައިންވަނީ އެދިފައެވެ. އުޅަނދުތަކުގައި ދިޔަ ހިއްކާ ޕަންޕާއި، އެހެނިހެން ސަލާމަތީ ވަލީތްތައް ހަމައަށް ބެހެއްޓުމަށް ސަމާލުވުމަށް ވެސް ވަނީ އިލްތިމާސްކޮށްފައެވެ.
ބޯކޮށް ވާރޭ ވެހުމުގެ ސަބަބުން ގދ ތިނަދޫގައި އިއްޔެ ވަނީ ފެންބޮޑުވެފައެވެ. އެރަށު ބައެއް ގޭގެއަށް ފެންވަދެ ހިފާގެންގުޅޭތަކެއްޗަށް ގެއްލުންވެފައިވެއެވެ. އެރަށުގެ ސްކޫލުތަކުގައި ވަނީ ކިޔަވައިދިނު ވެސް ހުއްޓައިލައިފައެވެ.
ކިޔުންތެރިންގެ ހިޔާލު