އެފްއެޗުއެސްގެ ދަރިވަރުންގެ ޖަމިއްޔާއިން ލޭހަދިޔާ ކުރުމުގެ ކޭމްޕެއް ބާއްވައިފި
27 ސެޕްޓެމްބަރ 2014 20:14
ފެކަލްޓީ އޮފް ހެލްތު ސައިންސަސް (އެފްއެޗުއެސް) ގެ ދަރިވަރުންގެ ޖަމިއްޔާއިން އިސް ނަގައިގެން ލޭހަދިޔާ ކުރުމުގެ ކޭމްޕެއް މިއަދު ބާއްވާއިފިއެވެ.
މި ކޭމްޕް ބާއްވާފައިވަނީ މިއަދު ހެނދުނު 9:00 އިން ހަވީރު 4:00 އަށް އެފްއެޗުއެސްގެ ހޯލުގައެވެ.
އެފްއެޗުއެސް ގެ ދަރިވަރުންގެ ޖަމިއްޔާއިން ބުނީ މި ކޭމްޕަކީ މޯލްޑިވްސް ބްލަޑް ޑޯނާސްއާ ގުޅިގެން ބޭއްވި ކޭމްޕެއް ކަމަށެވެ. މިކޭމްޕުގައިވަނީ ލޭހަދިޔާ ކުރަން ބޭނުންވި އެންމެންނަށް އެފުރުސަތު ދެއްވާފައެވެ.
"އަޅުގަނޑުމެން ފެކަލްޓީގެ ދަރިވަރިވަރުންގެ ޖަމިއްޔާގެ އެދުމަކީ ކޮންމެ މީހަކުވެސް އިޖްތިމާއީ ފަރުދީ ޒިއްމާއެއް ކަމަށް ދެކިގެން ލޭ ބޭނުންވެފައިވާ މީހުންނަން ލޭ ހަދިޔާ ކުރުމަށް ވީހާވެސް ގިނަ މީހުން މި ކޭމްޕްގައި ބައިވެރިވުން" ޖަމިއްޔާގެ ނާއިބު ރައީސް ޝާފިއު ބުންޏެވެ.
މި ކޭމްގައި މަންދު ކޮލެޖާއި، ކުލިކް ކޮލެޖާއި، ކުއްލިއްޔަތުއްދިރާސާތުލް އިސްލާމިއްޔާގެ ބައިވެރިވުން ވަރަށް ބޮޑަށް ލިބިފައިވާކަމަށް ފެކަލްޓީ އޮފް ހެލްތު ސައިންސަސްއިން ބުންޏެވެ.
ކިޔުންތެރިންގެ ހިޔާލު