މިނިވަންނިއުސް ހިންގާ ޢިމާރާތުގެ ދޮރުފަތަށް ކަތިވަޅީގެ ހަމަލާއެއް

މިނިވަން ނިއުސްގެ އޮފީހުގެ ސީސީޓީވީ ކެމެރާ ހަލާކުކޮށްލައި، އޮފީސް އިމާރާތަށް ވަންނަން ހުންނަ ދޮރުގެ ދޮރުފަތަށް މިއަދު ކަތިވަޅިއެއް ޖަހައިފިއެވެ.

ޒަހީނާ ވިދާޅުވެފައިވަނީ ސީސީޓީވީ ހަލާލުކޮށްލީ، މާލޭގެ ގޭންގެއްގެ ލީޑަރެއް ކަމަށެވެ. އެމީހާއަކީ އަޙްމަދު ރިޟްވާނާ ގުޅޭ ގޮތުން މޯލްޑިވިއަން ޑިމޮކްރެސީ ނެޓްވޯކުން ނެރުނު ރިޕޯޓުގައި ނަން ހިމަނާފައިވާ މީހެކެވެ. ދޮރަށް ކަތިވަޅި ޖަހާފައިވަނީ ސީސީޓީވީ ކެމެރާ ހަލާކޮށްފައި ދިޔަފަހުނސައިކަލެއްގައި އައި ދެ މީހުން ކަމަށްވެސް ޒަހީނާ ވަނީ ވިދާޅުވެފައެވެ.

މިކަން ކޮށްފައިވަނީ މިއަދު މެންދުރުފަހު 2.30 އެހައިކަންހާއިރު ކަމަށް ޒަހީނާ ވިދާޅުވިއެވެ.

ޒަހީނާ ވިދާޅުވީ އެމައްސަލަ ފުލުހުންނަށް ހުށަހެޅި ކަމަށެވެ. އެކަންކުރި މީހުންވެސް އެނގޭ ކަމަށެވެ. އޭނާ ވިދާޅުވެފައިވަނީ މިފަދަ ކަންކަމަށް ފިޔަވަޅު ނޭޅިދިޔުމަކީ ކަންބޮޑުވާ ކަމެއް ކަމަށެވެ.

މިއަމަލު މިއަދު ހިންގާފައިވަނީ އިންޒާރުތަކެއް އައުމަށްފަހު ކަމަށް އެނޫހުގެ ޑެޕިޔުޓީ އެޑިޓަރ ޒަހީނާ ރަޝީދު ވަނީ ވިދާޅުވެފައެވެ.

މިމައްސަލައާ ގުޅިގެން ފުލުހުބުނެފައިވަނީ އެކަން ބަލަމުންދާ ކަމަށެވެ. މިނިވަން ނޫސް ހިންގާ އޮފީހަށް މިފަދަ ހަމަލާއެއް ދޭންޖެހޭ ސަބަބެއް އެނގިފައެއް ނުވެއެވެ. މިކަން ހިންގާފައި މިވަނީ އެނޫހުގެ ނޫސްވެރިޔާ ރިޟްވާން ގެއްލިގެން ހޯދާތާ މިހާރުވަނީ 48 ދުވަސް ވެފައެވެ. ނަމަވެސް އޭނާގެ ޚަބަރެއް އަދިވެސް ނުވެއެވެ.