އެޗްއާރުސީޢެމުގެ މެމްބަރުންގެ މައްޗަށް ކުރާ ދައުވާގެ ފުރަތަމަ އަޑުއެހުން މިއަދުބާއްވައިފި
24 ސެޕްޓެމްބަރ 2014 10:37
ހިއުމަން ރައިޓްސް ކޮމިޝަން އޮފް މޯލްޑިވިސް (އެޗްއާރުސީޢެމް) ގެ މެމްބަރުންގެ މައްޗަށް ސްޕްރީމް ކޯޓުން އެ ކޯޓުގައި އުފުލާފައިވާ ދައުވާގެ އަޑުއެހުމަށް އެޗްއާރު ސީއެމްގެ މެމްބަރުން ހާޒިރުވެއްޖެއެވެ.
ދައުވާގެ އަޑުއެހުމަށް އެ ކޮމިޝަނުގެ ފަސް މެމްބަރުން ގޮސްފައިވަނީ މިއަދު ހެނދުނު 10:12 ހާއިއިރުއެވެ.
ސްޕްރީމް ކޯޓުން ސްމޯޓު (ފަނޑިޔާރުން އަމިއްލަށްބަލާ) މައްސަލައެއް އެޗްއާރު ސީއެމްގެ މެމްބަރުންނާ ދެކޮޅަށް އުފުލާފައިވަނީ، ޝަރުއީ ދާއިރާ އަށް ސުޕްރީމް ކޯޓުގެ ނުފޫޒު ވަރަށް ބޮޑަށް ފޯރާފައިވާ ކަމަށް އެ ކޮމިޝަނުން ނެރުނު ރިޕޯޓެއްގައި ބުނެފައިވާތީއެވެ. އެގޮތަށް އެޗްއާރުސީޢެމުން ބުނެފައިވަނީ އެ ކޮމިޝަނުން ނެރުނު "ޔުނިވާސަލް ޕީރިއޮޑިކް ރިވިއު" ރިޕޯޓުގައިއެވެ.
މިއަހަރުގެ މާޗުމަހުގައި ވެސް ސުޕްރީމްކޯޓުން ވަނީ އިލެކްޝަންސް ކޮމިޝަނުގެ މެމްބަރުންގެ މައްޗަށް ވެސް މިފަދަ ދައުވާއެއް އުފުލައިފައެވެ. އެ ދައުވާއަށްފަހު އިލެކްޝަންސް ކޮމިޝަނުގެ އޭރުގެ ރައީސް ފުވާދު ތައުފީގާއި ނާއިބް ރައީސް އަހްމަދު ފަޔާޒު ހަސަން ކޮމިޝަންގެ މެމްބަރުކަމުންވަނީ ވަކިކޮށްފައެވެ. އެ ކޮމިޝަނުގެ މެމްބަރުންގެ މައްޗަށް ހުކުމްކޮށްފައިވަނީ ސްޕްރީމް ކޯޓުގެ ހުރުމަތްކެނޑިކަމށް ބުނެއެވެ.
ކިޔުންތެރިންގެ ހިޔާލު