އެމްއެމްސީގެ އިންތިޚާބު އަންނަ ނޮވެމްބަރަށް ފަސްކޮށްފި
23 ސެޕްޓެމްބަރ 2014 22:48
ހޯމްމިނިސްޓްރީ ހިންގަމުން ގެންދާ ވެލާނާގެ-ފޮޓޯ: އަޙުމަދު
މިހިނގާ ސެޕްޓެމްބަރމަހުގެ 25 ވަނަ ދުވަހު ބޭއްވުމަށް ހަމަޖައްސާފައިވާ މޯލްޑިވްސް މީޑިިއާ ކައުންސިލް (އެމްއެމްސީ) ގެ އިންތިޚާބު ފަސްކޮށްފިއެވެ.
މިނިސްޓްރީ އޮފް ހޯމްއެފެއާޒުން މިއަދު ބުނެފައިވަނީ އިންތިޚާބު ފަސްކުރީ އެމްއެމްސީއަށް މެންބަރުން އިންތިޚާބުކުރުމަށް ވޯޓުލުމަށްޓަކައި ރަޖިސްޓްރީކުރުމަށް ހުށަހެޅި ފޯމުތަކުގައި ވަރަށް ގިނަ މައްސަލަތަކެއް ހުރުމުން ކަމަށެވެ. ނަަަމަވެސް އެމައްސަލަތަކަކީ ކޮބައި ކަމެއް ހާމަކޮށްފައެއް ނުވެއެވެ.
އޭގެ އިތުރަށް މިމަހުގެ 25 ވަނަދުވަހު ބޭއްވުމަށް ހަމަޖެހިފައިވާ އިންތިޚާބާ ގުޅިގެން ވަރަށްގިނަ ޝަކުވާތައް ލިބިފައިވާ ކަމަށްވެސް މިނިސްޓްރީން ބުނެފައިވެއެވެ.
މިނިސްޓްރީން މިހާރު ގެންދަނީ އެ ޝަކުވާތައް ބަލަމުން ކަމަށްވެސް ވަނީ ބުނެފައެވެ. މޯލްޑިވްސް މީޑިއާ ކައުންސިލްގެ އިންތިޚާބު ދެން ބާއްވަން ހަމަޖެހިފައިވަނީ އަންނަ ނޮވެމްބަރ 20 ވަނަ ދުވަހު ކަމަށްވެސް ހޯމްމިނިސްޓްރީން ވަނީ ބުނެފައެވެ.
ކިޔުންތެރިންގެ ހިޔާލު