އުރީދޫގެ އައު ބިޒްނަސް ޕާޓުނަރަކަށް ރީފްސައިޑު ހަމަޖައްސައިފި

އުރީދޫ މޯލްޑިވްސްއިން އެކުންފުނީގެ އައު ބިޒްނަސް ޕާރޓްނަރަކަށް ރީފްސައިޑް ހަމަޖައްސައިފިއެވެ.

އެޕާރޓްނާރޝިޕްގެ ދަށުން އުރީދޫގެ ހުރިހާ ޙިދުމަތްތަކެއް މާލޭ ޗާންދަނީ މަގުގައި ހުންނަ ރީފްސައިޑްގެ "އިމޭޖިން" ޝޯރޫމްއިން ލިބިގެންދާނެކަމަށް އުރީދޫން ހާމަކުރެއެވެ. 

އުރީދޫއިން އަންނަނީ އެކުންފުނީގެ ޑިސްޓްރިބިއުޝަން ނެޓްވޯކް އިތުރަށް ފުޅާކުރަމުންކަމަށް އެ ކުންފުނިން ބުނެއެވެ.

"އަޅުގަނޑުމެންގެ ޑިސްޓްރިބިއުޝަން ނެޓްވޯކާއި ގުޅުން އިތުރަށް ބަދަހިކޮށް ޙިދުމަތް ފަސޭހަކަމާއިއެކު އަޅުގަނޑުމެންގެ އިތުރުވަމުންދާ ކަސްޓަމަރުންނަށް ފޯރުކޮށްދިނުމުގެ ނިޔަތުގައި މަސައްކަތް ކުރަމުން ދާހިނދު، އުރީދޫގެ ބިޒްނަސް ޕާރޓްނަރކަމަށް ރީފްސައިޑްއަށް މަރުޙަބާ ކިޔަން." އުރީދޫގެ ކޮމާޝަލް ޑިރެކްޓަރ، ސަރަތީ ވިދާޅުވިއެވެ.

ބިޒްނަސް ޕާރޓްނަރ އެއްބަސްވުމުގެ ދަށުން، ރީފްސައިޑް އިމޭޖިން ޝޯރޫމްއިން އުރީދޫގެ ހުރިހާ ޙިދުމަތްތަކެއް ލިބެންހުންނާނެކަމަށް އެކުންފުނިން ހާމަކުރެއެވެ. އޭގެ ތެރޭގައި ޕްރީޕެއިޑް އަދި ޕޯސްޓްޕެއިޑް ކަނެކްޝަންސް، ޑޭޓާ ކަނެކްޝަންސް، ބިލަށް ފައިސާ ނެގުން އަދި ސިމް ބަދަލުކޮށްދިނުން ހިނމެނެއެވެ.