ބޯހިމެނުމުގައި ބައިވެރިނުވާ ފާރާތްތައް ޖުރިމަނާ ކުރެވޭނެ: އެންބީއެސް
22 ސެޕްޓެމްބަރ 2014 9:34
ބޯހިމެނުމުގައި ބައިވެރިނުވާ ފަރާތްތަކުން ބޮޑެތި އަދަދުތަކުން ޖޫރިމަނާކުރުމުގެ އިހްތިޔާރު ނެޝަނަލް ބިއުރޯ އޮފް ސްޓެޓިސްޓިކްސް (އެންބީއެސް) އަށް ލިބިގެންވާކަމަށް އެ ބިއުރޯއިން ހާމަކޮށްފިއެވެ.
މިދިޔަ ހޮނިހިރު ދުވަހުން ފެށިގެން އެއްހަފްތާ ދުވަހަށް ބޯހިމެނުމުގެ މަސައްކަތް އެންބީއެސް ފަށާފައިވާއިރު، ބައެއް ގޭބިސީތަކުން މައުލޫމާތު ފޯރުކުރުމަށް ދެކޮޅުހަދާ މަސައްސަލަ ވަނީ ފެންމަތިވެފައިވާކަމަށް އެ ބިއުރޯއިން ހާމަކުރެއެވެ.
އެ ބިއުރޯއިން ހާމަކުރާ ގޮތުގައި، ތަފާސްހިސާބުތަކާ ބެހޭ ގާނޫނުގެ ދަށުން ދައުލަތަށް މައުލޫމާތު ހާމަކުރުމަށް ދެކޮޅުހަދާ ފަރާތްތައް 5،000 ރުފިޔާ އިން ފެށިގެން 30،00 ރުފިޔާއާ ދެމެދުގެ އަދަދަކުން ޖޫރިމަނާކުރުމުގެ އިހުތިޔާރު އެ ކޮމިޝަނަށްލިބިގެންވެއެވެ.
ބޯހިމެނުމަށް އެއްބާރުލުން ނުދޭ ގޭބިސީތަކަށް އެކިފަހަރުމަތިން އެންބީއެސްގެ ޓީމުތަށް ފޮނުވާނެކަމަށް އެ ބިއުރޯއިން ހާމަކުރެއެވެ. އެފަދަ ގޭބިސީތަކުން ދެކޮޅުހަދާނަމަ އެފަދަ ގޭބިސީތަކުގައި ނޯޓިސްހަރުކޮށް އިންޒާރު ދެވޭނެކަމަށް ވެސް އެންބީއެސްއިން ހާމަކުރެއެވެ.
"އަޅުގަނޑުމެން ބައެއް ގެތަކަށް ދިއުމުން ބޯހިމަނަށް ބޭނުމެއް ނެތްކަމަށް ބުނެ އަޅުގަނޑުމެން ފޮނުވާލަނީ. ބައެއް މީހުން ވަރަށް ހުތުރުބަހުންވެސް މުއާމަލާތްކުރޭ. ޖުމްލަކޮށް ގިނަ މީހުން އެއްބާރުލުންދޭ އެހެން ނަމަވެސް ބައެއް ބޭފުޅުން ދެކޮޅުހަދަނީ. އެ ފަދަ ގޭތަކުގައި ސްޓިކާ (ނޯޓިސް) ހަރުކުރާނެ،" މާފަންނުގެ ގޭތަކުގައި ބޯހިމެނުގައި ބައިވެރިވާ ނިއުމަރޭޓަރެއް ބުންޏެވެ.
ކިޔުންތެރިންގެ ހިޔާލު