އައުލީޑަރޝިޕުން ޒުވާނުގެ ރޫހު ކުރިއަށް ނެރުމަށް އިސްކަންދޭނެ: އެމްޑީޕީ
20 ސެޕްޓެމްބަރ 2014 16:37
އައުލީޑާރ ޝިޕާއެކު އެމްޑީޕީ "އަލުން ތަރުތީބުވެގެން" ނުކުންނަނައިރު އެޕާޓީގެ ޒުވާނުންގެ ގޮފި ވަރަށް ވަރުގަދަވެގެން އަންނާނެކަމަށް އެމްޑީޕީގެ ނައިބުރައީސް މުހައްމަދު ޝިފާޒު ވިދާޅުވެއްޖެއެވެ.
"ދުވަސް" ނޫހަށް ދެއްވި އިންޓަވިއުއެއްގައި ޝިފާޒު ވިދާޅުވީ، އެޕާޓީގެ އައުލީޑަރ ޝިޕުން އެ ޕާޓީގެ ޒުވާނުންގެ ރޫހަށް ހާއްސަ އިސްކަމެއް ދީގެން މަސައްކަތްތައް ކުރަމުން އަންނަކަމަށެވެ. މިގޮތުން ކޮންމެ ހަފުތާއައެއްގައިވެސް ކުރަންޖެހޭ މަސައްކަތްތައް ރާވައި އެ ގޮތްޕާއި ހަވާލުކުރަމުން އަންނަކަމަށް އެނާ ވިދާޅުވިއެވެ.
"ޒުވާނުންގެ ޕާޓީއެއްގެ ގޮތުގައި އެމްޑީޕީ އުފެދިގެން އައިސްމިއޮތީ. އެހެންވީމަ ޕާޓީގެ ކަންކަމުގައި ޒުވާނުން އިސްނަގައިގެން މަސައްކަތްކުރާ ތަން ވަރަށް ބޮޑަށް ފެންނާނެ،" ޝިފާޒު ވިދާޅުވިއެވެ.
އޭނާ ވިދާޅުވީ އެމްޑީޕީގެ އިސްސަފުގައި އަދި ޒުވާނުންގެ ރޫހުގެ މަސައްކަތްތައް ނުފެނުނަސް އެ ގޮފީގެ މަސައްކަތްތައް މިހާރުވެސް ކުރިއަށްދާކަމަށެވެ.
"މިސާލަކަށް ރިޟުވާނުކަންތަކުގަ އޮފިޝަލީ (ރަސްމީކޮށް) އެމްޑީޕީނޫނަސް ވޮލެންޓިއަރަކޮށް އެމްޑީޕީގެ ޔޫތްވިންގުން ވަރަށް މަސައްކަތްކުރަމުން އެބަގެންދޭ. ފަލަސްތީނު ކަންތަކުގަވެސް އެމްޑީޕީގެ ޔޫތް ވިންގުން ވަރަށް ބުރަކޮށް މަސައްކަތްކުރި،"
ކިޔުންތެރިންގެ ހިޔާލު