ފުލުހުންނަށް ބޭނުންވާ ވަސީލަތްތައް ތަރައްގީ ކުރުމާ ބެހޭގޮތުން ތައިލެންޑާއެކު މަޝްވަރާ ކޮށްފި
18 ސެޕްޓެމްބަރ 2014 15:40
ތައިލެންޑުގެ އޮނަރަރީ ކޮންސިއުލްއާއެކު މަޝްވަރާ ކުރަނީ-ފޮޓޯ ޕޮލިސް
ފުލުހުންނަށް ބޭނުންވާ ވަސީލަތްތައް ކުރިއަރުވައި ތަރައްގީ ކުރުމާ ބެހޭގޮތުން ކޮމިޝަނަރ އޮފް ޕޮލިސް ޙުސައިން ވަޙީދާއި، ތައިލެންޑް ސަރުކާރުން ރާއްޖެއަށް ކަނޑައަޅައިފައި ހުންނަވާ އޮނަރަރީ ކޮންސިއުލް މުހައްމަދު ސާލިހާ ދެބޭފުޅުން މަޝްވަރާ ކުރައްވައިފިއެވެ.
އިއްޔެ ޝަހީދު ހުސެން އާދަމް ބިލްޑިންގް ގައި އޮތް ބައްދަލު ވުމެއްގައި ތައިލެންޑްގެ ސަރުކާރާ ގުޅިގެން މިހާރަށް ވުރެ ފުޅާދާއިރާއެއްގައި ދެ ގައުމުގެ ފުލުހުންގެ މުއައްސަސާ ދެމެދު އޮތް ގުޅުން ބަދަހި ކުރުމާ ބެހޭގޮތުން ވާހަކަ ދެއްކި ކަމަށް ފުލުހުން ހާމަކޮށްފައިވެއެވެ.
މި ބައްދަލު ވުމުގައި މައިގަނޑު ގޮތެއްގައި މަޝްވަރާ ކޮށްފައި ވަނީ ދިވެހި ފުލުހުންގެ މުއަށްސަސާއަށް އެހީތެރިކަން ހޯދުމަށް ކަމަށް ފުލުހުން މައުލޫމާތުދެއެވެ. އަދި މި ބައްދަލުވުމުގައި ކޮންސިއުލާ އިޝޫސްތަކާ ބެހޭ ގޮތުން މަޝްވަރާ ކޮށްފައިވާ ކަމަށް ފުލުހުން މައުލޫމާތުދެއެވެ. މި ބައްދަލު ވުމުގައި ފުލުހުންގެ އިސްބޭފުޅުންނާއި، ތައިލެންޑް ކޮންސިއުލްގެ އޮފިޝަލުންވެސް ބައިވެރިވެ ވަޑައިގެންނެވިއެވެ.
ކިޔުންތެރިންގެ ހިޔާލު