ރިޟްވާނުގެ އާއިލާއާއި ރައީސް ނަޝީދު ބައްދަލުކުރައްވައިފި
17 ސެޕްޓެމްބަރ 2014 13:02
ވީނުވީއެއް ނޭގި ގެއްލިފައިވާ މިނިވަން ނޫހުގެ ނޫސްވެރިޔާ އަހުމަދު ރިޟްވާންގެ އާއިލާއާއި އެމްޑީޕީގެ ރައީސް މުހައްމަދު ނަސީދު ބައްދަލު ކުރައްވާފިއެވެ.
ރައީސް ނަސީދު ރިލްވާންގެ އާއިލާގެ މެންބަރުންނާއި ބައްދަލު ކުރައްވާފައިވަނީ މިއަދު ހެނދުނު ރިލްވާނުގެ އާއިލާގެ މެންބަރުން ދިރިއުޅުންވާ މ. ސައިނިން ސުޓަރ އަށް ވަޑައިގެންނެވެ.
ރައީސް ނަސީދު އާއި އެމްޑީޕީން ވަނީ ރިލްވާން ގެއްލުނު މައްސަލާގައި ކަންބަޑުވުން ފާޅުކޮށް، ރިލްވާންގެ މައްސަލަ ސަރުކާރުގެ ސަމާލްކަމަށް ގެންނެވުމަށް މަޖިލިސް ތެރެއިން މަސައްކަތް ކުރައްވާނެކަމަށް ވިދާޅުވިއެވެ.
ރިލްވާނުގެ އާއިލާއާއި، އެކުވެރިން އިންތިޒާމުކޮށްގެން އަންނަ ހުކުރުދުވަހު ހިނގާލުމެއް ބޭއްވުމަށް ވަނީ ނިންމައިފައެވެ.
އުމުރު 28 އަހަރުގެ އަހުމަދު ރިޟްވާން އެންމެ ފަހުން ފެނިފައިވަނީ އޮގަސްޓު ހަތް ވަނަ ދުވަހުގެ ރޭގައެވެ. އެރޭ އޭނާވަނީ ހުޅުމާލެއަށް ދިއުމަށްޓަކައި ފެރީ ޓާމިނަލަށް ވަދެފައެވެ. އޭނާ އެތަނަށް ވަދެފައިވާ މަންޒަރުވަނީ ސީސީޓީވީ ކެމެރާތަކަށް އަރައިފިއެވެ. އެރޭ އޭނާ ލައިގެންހުރީ ކަޅުކުލައިގެ ފަޓުލޫނަކާއި ގަމީހެކެވެ. ރިޟްވާނާ ބެހޭ އެއްވެސް މައުލޫމާތެއް ލިބިއްޖެނަމަ 7791120 އާއި 7773250 މި ދެނަންބަރަށް ގުޅައި މައުލޫމާތު ހިއްސާ ކުރުމަށް އާއިލާއިންވަނީ އެދިފައެވެ.
ކިޔުންތެރިންގެ ހިޔާލު