ދިވެހިރާއްޖޭގެ އިންސާނީ ހައްގުތައް އޮތްހާލަތު އަންގުވައިދޭ ރިޕޯޓެއް އދ އަށް ހުށަހަޅައިފި
16 ސެޕްޓެމްބަރ 2014 11:20
ހިއުމަން ރައިޓްސް ކޮމިޝަން އޮފް މޯލްޑިވިސްގެ މެމްބަރުން: ފައިލް ފޮޓޯ
ހިއުމަށް ރައިޓްސް ކޮމިޝަން އޮފް މޯލްޑިވިސް (ޢެޗްއާރުސީޢެމް) އިން ޔުނިވަރސަލް ޕީރިއޮޑިކް ރިވިއު (ޔޫ.ޕީ.އާރު) ރިޕޯޓް އ.ދ ގެ ހިއުމަން ރައިޓްސް ކައުންސިލަށް ހުށަހަޅައިފިއެވެ.
ޕީރިއޮޑިކް ރިވިއު ރިޕޯޓްއަކީ ދިވެހިރާއްޖޭގައި މިވަގުތު ފާހަގަކުރެވިފައިވާ އިންސާނީ ހައްޤުތަކާއި ގުޅުންހުރި މައްސަލަތައް ދެނެގަނެ އެޗްއާރުސީއެމް އިން ތައްޔާރުކޮށްފައިވާ ރިޕޯޓްއަކެއެވެ.
އެ ރިޕޯޓްގައި މަދަނީ އަދި ސިޔާސީ ޙައްޤުތަކާއި، އިޤްތިޞާދީ، އިޖްތިމާޢީ އަދި ސަޤާފީ ޙައްޤުތަކުގެ ދަށުން 18 މަޢުލޫއަކަށް އަލިއަޅުވާލާފައިވާލައިފައިވެއެވެ.
ހިއުމަން ރައިޓް ކޮމިޝަނުން ހާމަކުރައްވާފައިވާ ގޮތުން ރިޕޯޓް އެކުލަވާލާލުމަށް މައުލޫމާތް ހޯދާފައިވަނީ ދަޢުލަތުގެ އެކިއެކި މުއައްސަސާތަކުންނާ، އިންސާނީ ޙައްޤުތަކާއި ގުޅުންހުރި މަސައްކަތްތައް ކުރާ މަދަނީ މުޖުތަމަޢުތަކުން ހިއްސާކޮށްފައިވާ މަޢުލޫމާތު ތަކުގެ އިތުރުން ކޮމިޝަނުން އަތޮޅުތަކަށް ކޮށްފައިވާ އެކިއެކި ޒިޔާރަތްތަކުގައި އެއްކުރެވިފައިވާ މަޢުލޫމާތުތަކުގެ މައްޗަށް ބިނާކޮށެވެ. މީގެ އިތުރުން ކޮމިޝަނަށް ހުށަހަޅާފައި މައްސަލަތަކާއި ދަޢުލަތުގެ ބެލުމުގެ ދަށުގައި މީހުން ބައިތިއްބައިފައި ތިބޭ ތަންތަނަށް ކޮމިޝަނުން ކުރާ ޒިޔާރަތްތަކުގައި ފާހަގަކުރެވިފައިވާ ކަންކަންވެސް މިރިޕޯޓްގައި ހިމެނާފައި ވާނެ ކަމަށް އެ ކޮމިޝަންއިން ބުނެއެވެ.
ޔޫ.ޕީ.އާރް އަކީ އދގެ މެމްބަރުޤައުމުތަކުގެ ތެރެއިން ކޮންމެ ޤައުމެއްގެ އިންސާނީ ޙައްޤުތަކުގެ ޙާލަތު ދެނެގަތުމުގެ ގޮތުން އެކަށައަޅާފައިވާ ނިޒާމެކެވެ. ނިޒާމުގެ މައިގަނޑު މަގުސަދަކީ އ.ދގެ މެމްބަރު ޤައުމުތަކުގަ އިންސާނީ ޙައްޤުގެ ޙާލަތު ރަނގަޅުކުރުމާ އިންސާނީ ޙައްޤުތައް ގެއްލިފައިވާ މިންވަރު ދެނެގަތުމާއި އެފަދަ އަމަލުތައް ހުއްޓުވުމަށް ޤައުމުތަކަށް ބާރުއެޅުމެވެ.
ކިޔުންތެރިންގެ ހިޔާލު