އެސްއީޒެޑް ގާނޫނުގެ ސަބަބުން ދިވެހިރާއްޖޭގެ ސިޔާދަތާއި އިސްތިގުލާލަށް ބުރޫއަރާނެ: ހަސަން ލަތީފު
16 ސެޕްޓެމްބަރ 2014 10:11
ގާނޫނީ ވަކީލު ހަސަން ލަތީފު: ފައިލް ފޮޓޯ އެމްޑީޕީ
ބޭރުގެ ކުންފުނިތަކަށް ރާއްޖޭގެ ބޮޑުބައެއް ވިއްކާލެވޭ ގޮތަށް އޮތުމަކީ ރާއްޖޭގެ ސިޔާދަތާއި އިސްތިގުލާލަށް ގެއްލުންވެ އަދި އަމިއްލަ ވެރިކަން ހިންގުމަށް ބުރޫއަރާނެ ކަމެއް ކަމަށް މަޝްހޫރު ގާނޫނީ ވަކީލު އަދި ކުރީގެ ޔޫތު މިނިސްޓަރ އަލްއުސްތާޒު ހަސަން ލަތީފު ވިދާޅުވެއްޖެއެވެ.
"ދުވަސް" ނޫހަށް ދެއްވި އިންޓަވިއު އެއްގައި ލަތީފް ވިދާޅުވީ، ރައްޔިތުންގެ މަޖިލީހުން ފާސްކުރި ސްޕެޝަލް އިކޮނޮމިކް ޒޯން (އެސްއީޒެޑް) ގެ ގާނޫނުގައި ބޭރުގެ ކުންފުނިތަކަށް ރާއްޖޭގެ ބިން ގަނެވޭގޮތަށް ކަނޑައެޅިގެން އެބައޮތް ކަމަށެވެ.
"ޕީޕީއެމްގެ މެމްބަރުން ވޯޓު ދެއްވައިގެން ފާސް ކުރައްވައިފައި އޮތް ގާނޫނެއްގައި ބޭރުގެ ކުންފުނިތަކާ އަމިއްލަ ފަރުދުންނަށް ރާއްޖޭގެ ބިން ވިއްކާލެވޭ ގޮތަށް އޮތުމަކީ ދިވެހިރާއްޖޭގެ އިސްތިގުލާށް ނުރަނގަޅު އަސަރުކުރާނެ. ގާނޫނު އަސާސީގެ ދެވަނަ މާއްދާގައި އެބުނާ އަމިއްލަ ވެރިކަން ކުރާ ޖުމްހޫރިއްޔާއެއްގެ ގޮތުގައި އޮތުމާމެދު ސުވާލު އުފެދޭނެކަމެއް،" ހަސަން ލަތީފު ވިދާޅުވިއެވެ.
އޭނާ ވިދާޅުވީ ރައްޔިތުންގެ މަޖިލީހުން އެފަދަ ގާނޫނެއް ފާސްކުރި ކަމުގައިވިއަސް އެފަދަ ބިލެއް ތަސްދީގު ކުރައްވައި ގާނޫނަކަށް ހައްދަވާއިރު، ރައީސުލްޖުމްހޫރިއްޔާ އެފަދަ ކަންކަމާ ވިސްނަވަން ޖެހޭނެ ކަމަށެވެ.
"ރައްޔިތުންގެ މަޖިލީހުން އެފަދަ ގާނޫނެއް ފާސްކުރިއަސް ރައީސުލްޖުމްހޫރިއްޔާ ތަސްދީގު ނުކުރައްވާހާ ހިނދަކު އެ ގާނޫނަކަށް ނުވޭ. ދެން އަނެއްކާވެސް ރައްޔިތުންގެ މަޖިލީހަށް އެ ބިލެއް ގެންގޮސްގެން އެ ފާސްކުރީމަ ނޫނިއްޔާ،"
ހަސަން ލަތީފް ވިދާޅުވީ، އެސްއީޒެޑް ގާނޫނުގެ ދަށުން 49 އިންސައްތަ ބިދޭސީ އަދި 51 އިންސައްތަ ދިވެހި ކުންފުނިތަކަށްވެސް ދިވެހިރާއްޖޭގެ ބިން ގަތުމުގެ ފުރުސަތު ލިބޭކަމަށެވެ.
ކިޔުންތެރިންގެ ހިޔާލު