ޗައިނާގެ ރައީސް މާލެ ވަޑައިގަތުމުން އެމަނިކުފާނަށް ހޫނު މަރުހަބާއެއް ދަންނަވައިފި
15 ސެޕްޓެމްބަރ 2014 10:48
ރައީސުލްޖުމްހޫރިއްޔާގެ ދަޢުވަތަކަށް ކުރައްވާ ފުރަމާނަ ދަތުރުފުޅެއްގައި، ޗައިނާގެ ރައީސް ޝީ ޖިންޕިންގގެ ދެކަނބަލުން އިއްޔެ ހަވީރު ރާއްޖެ ވަޑައިގަތުމުން މަރުހަބާ ދަންނަވަނީ: ފައިލް ފޮޓޯ ރައީސް އޮފީސް
ޗައިނާގެ ރައީސް ޝީ ޖިންޕިންގެ ދެ ކަނބަލުން މިއަދު ހެނދުނު 10:00 ގައި މާލެ ވަޑައިގެންނެވުމުން އެ ބޭފުޅުންނަށް މާލެއިން ހޫނު މަރުހަބާއެއް ދަންނަވައިފިއެވެ.
އެ ދެކަނަބަލުންނަށް މާލޭ އެއް ނަންބަރު ފާލަމުން މަރުހަބާ ދެންނެވީ ރައީސުލްޖުމްހޫރިއްޔާ އަބްދުﷲ ޔާމީންގެ ދެ ކަނބަލުންނާ ދައުލަތުގެ އިސްވެރިންނެވެ.
ޝީޖިންގެ ދެކަނބަލުން އެއް ނަންބަރު ފާލަމުން ރައީސް އޮފީހަށް ވަޑައިގެންނެވީ، ރަސްމީ އިއްޒަތުގައެވެ.
މިދަތުރުފުޅުގައި ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމާ އެކު ބާއްވާ ރަސްމީ ބައްދަލުވުން މިއަދު އޮންނާއެވެ. ދެ ޤައުމުގެ އެންމެ މަތީ ފެންވަރުގެ ވަފްދުތަކުގެ މެދުގައި ރަސްމީ ވާހަކަތައްވެސް މިއަދު އޮންނާނެއެވެ.
ޗައިނާ ސަރުކާރުގެ އެހީގައި، ރާއްޖޭގައި ހިންގާ ތަރައްޤީގެ ދެ މަޝްރޫޢެއް އިފްތިތާޙް ކުރެއްވުމާއި، ދެޤައުމުގެ ދެމެދުގައި ތަފާތު ދާއިރާތަކުން ގިނަ އެއްބަސްވުންތަކެއްގައި ސޮއިކުރުމަށްވެސް މިދަތުރުފުޅުގައި ވަނީ ހަމަޖެހިފައެވެ. މީގެ އިތުރަށް ހުޅުލެއާއި މާލެއާ ދެމެދުގައި ބްރިޖު އެޅުމާއި އިބްރާހިމް ނާސިރު އިންޓަނޭޝަނަލް އެއާޕޯޓް (އައިއެންއައިއޭ) ގެ ރަންވޭ އެޅުމުގެ މަޝްރޫވެސް ހިމެނޭ ކަމަށް މައުލޫމާތު ލިބިފައިވެއެވެ.
މިދަތުރުފުޅަކީ ޗައިނާގެ ރައީސަކު ދިވެހި ރާއްޖެއަށް ފުރަމާނަ ދަތުރުފުޅެއް ކުރައްވާ ފުރަތަމަ ފަހަރެވެ. ޗައިނާގެ ރައީސް އިއްޔެރޭ ރާއްޖެއަށް ވަޑައިގަންނަވާފައިވަނީ ރައީސް އަބްދުﷲ ޔާމީނުގެ ދައުވަތަކަށެވެ.
ކިޔުންތެރިންގެ ހިޔާލު