ގައުމީ ޔުނިވާސިޓީން ހިންގާ ސިއްހީ ދާއިރާގެ ކޯސްތަކާ ގުޅޭގޮތުން މައުލޫމާތުދީފި

ފެކަލްޓީ އޮފް ހެލްތު ސައިންސުން އަންނަ އަހަރުހިންގުމަށް ނިންމައިފާ ކޯސްތަކާގުޅޭމައުލޫމާތު ދިނުމުގެ އިވެންޓެއް ކުރިއަށް ގެންގޮސްފިއެވެ.

"ފެކަލްޓީއޮފް ހެލްތް ސައިންސް އޯޕެންޑޭ"ނަމުގައި މިއަދު ކުރިއަށް ގެންދިޔަ އިވެންޓުގައި ގިނައަދަދެއްގެ ބަޔަކު ބައިވެރިވެ މައުލޫމާތު އޮޅުންފިލުވާފައިވާކަމަށް އެފެކަލްޓީން ހާމަކުރެއެވެ.

ފެކަލްޓީ އޮފް ސައިންސުގެ މާކެޓިން ކޮމެޓީގެމެންބަރ ހުސެއިން ފާއިޒް ވިދާޅުވީ މި އިވެންޓަކީ ދިވެހި ގައުމީ ޔުނިވާސިޓީގައި ކުރިއަށްގެންދިޔަ "ފަހިދުވަހަށް" ފަހުވެސް ގިނައަދަދެއްގެ ބަޔަކު ކޯސްތަކާ ގުޅޭގޮތުން މައުލޫމާތު އޮޅުން ފިލުވަން އެދިފައިވާތީ ކުރިއަށް ގެންދިއަ އިވެންޓެއްކަމަށެވެ.

ކޯސްތަކުގެ މައުލޫމާތް ފޯރުކޮށްދެނީ އެ ފަކަލްޓީގައި ކިޔަވައިދޭ ލެކްޗަރާއިންނާ ދަރިވަރުންނެވެ.

"ފެކަލްޓީ އޮފް ސިއިންސުގެ ކޯސްތަކުގެ މައުލޫމާތް ކިވައިދޭ މާހައުލްއިން ޕްރެކްޓިކަލްއާއި އެކު އޯފަންޑޭގެ ސްތޯލްތަކުންލިބެން ހުންނާނެ. އަދި ތަފާތް ހެލްތް ދާއިރާޔާ ގުޅޭގޮތުން ކުއިޒްތައް ސުޓޯލްތަކުގައިކުރިއަށް ދާނެ،"  އާތިފް ވިދާޅުވިއެވެ.

އަންނަ އަހަރު އެ ފެކަލްޓީން ވަނީ ނާސިން ، ޕަބްލިކްހެލްތް، ބަޔޯމެޑިކަލް އަދި ސޯޝަލް ވޯކްގެ ދާއިރާގެ ގިނަ ކޯސްތައް ކުރިއަށްގެންދިއުމަށް ނިންމައިފައެވެ. އޭގެ ތެރޭގައި ސެޓިފެކު ލެވަލުން ފެށިގެން މާސްޓާސް ޑިގްރީ ލެވަލުގެ ކޯސް ތައްވެސް ހިމެނެއެވެ.