ފޭދުއަށް ބިންއިތުރު ކުރުމުގެ މަސައްކަތް އަންނައަހަރު ފަށާނަން: ރައީސް ޔާމީން
11 ސެޕްޓެމްބަރ 2014 15:54
ރޭގެ ރަސްމިއްޔާތުގައި ރައީސް ވާހަކަފުޅު ދައްކަވަނީ: ފޮޓޯ ރައީސްއޮފީސް
އައްޑޫސިޓީ ފޭދޫގެ ބިންފުރިފައިވާތީ އެރަށަށް ބިންއިތުރުކޮށްދީ ރަށް ބޮޑު ކުރުމުގެ މަސައްކަތް އަންނަ އަހަރު ފަށްޓަވައި ދެއްވާނެ ކަމަށް ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ވިދާޅުވެއްޖެއެވެ.
ރައީސުލްޖުމްހޫރިއްޔާ މިހެން ވިދާޅުވީ ފޭދޫ ރަށްދެބައިމަގާއި، އެރަށު ބަނދަރު ސަރަޙައްދުގައި ތާރު އެޅުމުގެ މަސައްކަތް ރަސްމީކޮށް ފަށްޓަވައިދެއްވުމަށްފަހު ރޭ ދެއްކެވި ވާހަކަފުޅުގައެވެ.
އެމަނިކުފާނު ވިދާޅުވީ އެސަރަހައްދުގައި ތާރު އެޅުމަކީ ފޭދޫ ރައްޔިތުންނަށް ވަރަށް ބޮޑަށް ފަސޭހަވެގެންދާނެ ކަމެއް ކަމަށެވެ. ބަނދަރު ސަރަހައްދުގެ އިތުރަށް އެރަށުގެ އެންމެ މުހިންމު އެއް މަގުކަމަށްވާ ރަށްދެބައި މަގުގައި ތާރު އެޅުމުން ތަރައްގީގެ ރޮނގުން ދެން ފުރިހަމަކުރަން އޮތް ކަންތައްތައް ފުރިހަމަ ވެގެންދާނެ ކަމަށް އެމަނިކުފާނު ވިދާޅުވިއެވެ.
ރައީސް ޔާމީން ވިދާޅުވީ ރައްޔިތުންނަށް ކޮށްދޭންޖެހޭ ކަންކަން ނުވެދާ ކަމަށްވާނަމަ އެކަންކަމުގެ ޒިންމާ އުފުލަންޖެހިވަޑައިގަންނަވަނީ ރައީސުލްޖުމްހޫރިއްޔާ ކަމަށެވެ. އެހެންނަމަވެސް ޑިމޮކްރަސީގެ އުސޫލަކީ މުޢައްސަސާތަކާއި އޮފީސްތަކާ ކަންކަން ހަވާލު ކޮށްގެން ކުރުވުން ކަމުގައި އެމަނިކުފާނު ވިދާޅުވިއެވެ.
ފޭދުއަކީ ބިމުގެ ނިސްބަތުން ބެލިޔަސް އާބާދީ ބޮޑު ރަށެކެވެ. އެރަށަށް ބިމުގެ މައްސަލަ ދިމާވުމުގެ ސަބަބުން ގޯތި ނުލިބި ތިބި މީހުންގެ އަދަދު ވަނީ އިތުރުވެފައެވެ.
ކިޔުންތެރިންގެ ހިޔާލު