ބައިނަލް އަގުވާމީ ޓީޗަރުންގެ ކޮންފަރެންސެއް ރާއްޖޭގައި ފަށައިފި
8 ސެޕްޓެމްބަރ 2014 14:05
މިއަދު ފެށި ކޮންފަރެންސްގައި އެޑިޔުކޭޝަން މިނިސްޓަރުގެ ނާއިބު އަބްދުﷲ ނާޒިމް ވާހަކަ ދައްކަވަނީ: ފޮޓޯ ސަން
ބައިނަލް އަގުވާމީ ޓީޗަރުންގެ ކޮންފަރެންސެއް ރާއްޖޭގައި މިއަދު ފަށައިފިއެވެ.
މި ކޮންފަރެސްއަކީ ނޭޝަނަލް އިންސްޓްޓިއުޓް އޮފް އެޑިއުކޭޝަން (އެންއައިއީ) އާއި ވިލާކޮލެޖް ގުޅިގެން ބާއްވާ ކޮންފަރެސެކެވެ.ޓީޗަރުން އެއްތަންވެ، އެބޭފުޅުންގެ ތަޖުރިބާއާއި ހޯދުންތައް ހިއްސާކުރުމަށް ވިލާކޮލެޖްގައި ފެށި އެ ކޮންފަރެންސްގެ ޝިއާރަކީ "ރިތިންކިން ސޯޝަލް ޓްރާންފޯމޭޝަން އެންޑް ހާމަނީ" އެވެ.
އެހެން ބައެއް ގައުމުތަކުގެ ގިނަ އަދަދެއްގެ ޓީޗަރުންނާއި ހިއުމަން ރައިޓްސް ކޮމިޝަން އޮފް މޯލްޑިވްސް އާއި ރާއްޖޭގެ ބައެއް މަދަނީ ޖަމިއްޔާތަކުގެ ފަރާތުން މަންދޫބުން މި ކޮންފަރެސްގައި ބައިވެރިވެއެވެ.
10 ދުވަހުގެ މުއްދަތަށް ކުރިއަށް ގެންދާ މި ކޮންފަރެސް ގެ ބައިވެރިން މާލޭގެ ބައެއް ސުކޫލްތަކަށް ޒިޔާރަތް ކުރާގޮތަށް ވަނީ ހަމަޖެހިފައެވެ.
ކޮންފަރެންސް ހުޅުވުމުގެ ރަސްމިއްޔާތުގައި އެޑިއުކޭޝަން މިނިސްޓަރ ޑރ. އައިޝަތު ޝިހާމާއި ވިލާކޮލެޖްގެ ރެކްޓަރް ޑރ. އަހްމަދު އަންވަރާއި އެޑިއުކޭޝަން މިނިސްޓްރީގެ އިސްބޭފުޅުން ބައިވެރިވެ ވަޑައިގެންނެވެވިއެވެ. ވިލާ ކޮލެޖް އަދި ނޭޝަނަލް އިންސްޓްޓިއުޓް އޮފް އެޑިއުކޭޝަން ވަނީ މީގެ ކުރިން ވެސް މިފަދަ ކޮންފަރެސް އެއް ބާއްވާފައެވެ.
ކިޔުންތެރިންގެ ހިޔާލު