ޔޫތު ލީޑަރޝިޕް ޕްރޮގްރާމުގައި ބައިވެރިވުމުގެ ފުރުސަތު ހުޅުވައިފި

ޑިމޮކްރަސީ ހައުސް އިން އިންތިޒާމް ކޮށްގެން މިއަހަރު ބާއްވާ ޔޫތު ލީޑަރސިޕް ޕްރޮގްރާމްގައި ބައިވެރިވުމުގެ ފުރުސަތު ޑިމޮކުރަސީ ހައުސްއިން ހުޅުވާލާފިއެވެ.

ޑިމޮކުރަސީ ހައުސްއިން ބުނެފައިވަނީ މި ޕްރޮގްރާމްގައި ބައިވެރިވެވެނީ އުމުރުން 16 އަހަރާއި 21 އަހަރާ ދެމެދުގެ ޒުވާނުންނަށް ކަމަށެވެ. އެހެން އަހަރުތަކަކޭ އެއްފަދައިން މި އަހަރުގެ ޕްރޮގުރާމްގައިވެސް ބައިވެރި ކުރުމަށް ހަމަޖެހިފައިވަނީ 40 ކުދިންނެވެ. މި ޕްރޮގްރާމުގައި ބައިވެރިވާން ބޭނުންވާ ޒުވާނުނަށް ޑިމޮކްރަސީ ހައުސް ގެ އޮފީސްއިން ފޯމް ލިބެން ހުންނާނެކަމަށް އެތަނުން ބުނެފައިވެއެވެ. ބައިވެރިވުމަށް ފޯމް ހުށައަޅަންޖެހެނީ މި މަހުގެ 30 ވަނަ ދުވަހުގެ ކުރިންކަމަށްވެސް އެއޮފީހުންވަނީ މައުލޫމާތު ދީފައެވެ.

މިއީ ކޮންމެ އަހަރަކު އެއްފަހަރު ބާއްވާ ޕްރޮގްރާމެކެވެ. މިއީ ހަރުދަނާ ޒުވާން ލީޑަރުންތަކެއް މުޖުތަމައަށް ނެރުމުގެ މަގުސަދުގައި އެއް މަހުގެ މުއްދަތަށް ކުރިއަށް ކުރިއަށް ގެން ޕްރޮގްރާމެކެވެ. މި ޕްރޮގްރާމް ކުރިއަށް ގެންދަނީ ޑިމޮކްރަސީ ހައުސް އާއި ދިވެހި ރާއްޖޭގެ ރައްޔަތުންގެ މަޖިލިސް ގުޅިގެންނެވެ. މިފަހަރުގެ ޕްރޮގްރާމްވެސް ކުރިއަށް ގެންދަން ހަމަޖެހިފައިވަނީ ބަޑޮސް އިއިލެންޑް ރިސޯޓްގައިއެވެ.

މިއީ 2010 ވަނަ އަހަރުން ފެށިގެން ބާއްވާ ހަރަކާތެކެވެ. 2013 ވަނަ އަހަރު ޔޫތުލީޑަރޝިޕް ޕްރޮގުރާމްގައި ބައިވެރިވި ކުދިން އިސްނަގައިގެން ވަނީ ޔޫތު އިނިޝިއޭޓްގެ ނަމުގައި ޖަމިއްޔާއެއް އުފެއްދުމުގެ މަސައްކަތް ފަށައިފައެވެ.