ޒުވާނުންގެ ފޯރަމް ފަށައިފި
6 ސެޕްޓެމްބަރ 2014 15:16
ޒުވާނުންނަށް ހާއްސަކޮށްގެން ޔޫތު މިނިސްޓްރީން ކޮންމެ އަހަރަކު ކުރިއަށް ގެންދާ ޒުވާނުންގެ ފޯރަމް މިއަދު ފަށައިފިއެވެ.
ޒުވާނުންނަށް ހާއްސަކޮށްގެން ކުރިއަށްގެންދާ އެ ފޯރަމް ކުރިއަށް ގެންދަނީ މާލޭ ޔޫތު ސެންޓަރުގައިއެވެ. މިއަހަރު ޝިއާރަކަށް ކަނޑައަޅާފައި ވަނީ "ޒުވާނުންގެ ނަފްސާނީ ދުޅަހެޔޮކަން" ކަމެވެ. މި ފޯރަމުގައި ގައުމީ ޔުނިވާސިޓީގެ ފެކަލްޓީ އޮފް ހެލްތު އެންޑް ސައިންސުގެ ފަރާތުން ނަފްސާނީ ދުޅަހެޔޮކަމާ ބެހޭ މައުލޫމާތު ދިނުމަށް ހަމަޖެހިފައިވެއެވެ.
ވިލާ އިންޓަނޭޝަނަލް ހައިސްކޫލް، ސްކައުޓުން، ދިވެހި ޔޫތު މޮނިއުމެންޓް، ގަލޮޅު މަދަރުސާ ، ސީއެޗްއެސްސީ އަދި ގައުމީ ޔުނިވާސިޓީން މި ފޯރަމުގައި ބައިވެރިވެފައިވެއެވެ. ފޯރަމުގައި ބައިވެރި ވެވެނީ 18 އަހަރާ 25 އަހާރާ ދެމެދުގެ އުމުރު ފުރައިގެ މީހުންނަށް ކަމަށް ޔޫތު މިނިސްޓްރީން މައުލޫމާތު ދެއެވެ.
ފޯރަމް ފެށުމުގެ ރަސްމިޔާތު ޝަރަފްވުވެރިކޮށްދެއްވީ، ހޯމް މިނިސްޓްރީގެ ޑެޕިއުޓީ މިނިސްޓަރު މުހައްމަދުހާނިމެވެ. ހާނީމް ވިދާޅުވީ ނަފްސާނީ ދުޅަހެޔޮކަމުގެ މައުލޫމާތު ޒުވާނުންނަން ފޯރުކޮށްދިނުމަކީ މުހިންމު ކަމެއްކަމަށެވެ.
މި ފޯރަމަކީ އެއްދުވަހުގެ މުއްދަތައް ކުރިއަށްގެންދާ ފޯރަމެކެވެ.
ކިޔުންތެރިންގެ ހިޔާލު