އަންހެން ކުއްޖަކު ރަހީނުކޮށް އޭނާއަށް ޖިންސީގޯނާ ކުރި މައްސަލަ ބަލަންފަށައިފި
6 ސެޕްޓެމްބަރ 2014 9:09
އައްޑޫ ސިޓީ މަރަދޫ
އައްޑޫ ސިޓީ މަރަދޫގައި 16 އަހަރުގެ އަންހެން ކުއްޖަކު ރަހީނުކޮށް އެކުއްޖާއަށް ޖިންސީ ގޯނާ ކުރި މައްސަލައެއް ބަލަމުން އަންނަކަމަށް ފުލުހުން ހާމަކޮށްފިއެވެ.
އެކުއްޖޭ ގެއްލިގެން އާއިލާއިން ރިޕޯޓުކޮށްފައިވަނީ މިދިޔަ އާދިއްތަ ދުވަހުކަމަށް ފުލުހުން ބުނެއެވެ. ފުލުހުންނަށް އެކުއްޖާ ފެނިފައިވަނީ ތަނެއްގައި ބަންދުކޮށްފައި ހުއްޓައިއެވެ. އެތަނުގައި ބަހައްޓައިގެން ބަޔަކު އެކުއްޖާއަށް މަސްތުވާތަކެއްޗާ ބަނގު ރާ ބޯންދީ، ޖިންސީގޯނާ ކޮށްފައިވާކާމަށް ބެލެވޭކަމަށް ފުލުހުން ހާމަކުރެއެވެ. ބަނދުކޮށްފައި ހުރި ތަނުން އެކުއްޖާ ސަލާމަތް ކުރެވިފައިވަނީ އާއިލާއިން ރިޕޯޓުކުރިތާ އެއްދުވަސް ފަހުންކަމަށް ވެސް ޕޮލިސް މީޑިއިން މައުލޫމާތު ދެއެެވެ.
އެ މައްސަލައާއި ގުޅިގެން 21 އަހަރު ފިރިހެނެއް ހައްޔަރު ކޮށްފައިވާކަމަށް ފުލުހުން ބުނެއެވެ. އެނާ ހައްޔަރުކޮށްފައިވަނީ ކޯޓު އަމުރެއްގެ ދަށުންނެވެ. އިތުރު ދެ މީހަކު ހޯދުމުގެ މަސައްކަތް ފުލުހުން އަންނަނީ ކުރަމުންނެވެ.
މިމައްސަލައާއި ގުޅުގެން އަންހެން ކުއްޖާގެ އާއިލާއިން ބުނީ، މިއަމަލަކީ ކުރިއާލައި ރާވައިގެން ހިންގާފައިވާ އަމަލެއް ކަމަށެވެ. އެގޮތުން އެކުއްޖާ ކިޔަވާ ކުލާހުގެ ތިން އަންހެން ކުދިންގެ އަތެއްވާ ކަމަށް އާއިލާއިންވަނީ ތުހުމަތު ކޮށްފައެވެ. އަދި މީގެ ކުރިންވެސް އަންހެން ކުއްޖާއަށް "ބުލީ" (ފުރައްސާރަ) ކުރުމުގެ މައްސަލައެއް އާއިލާއިން ސްކޫލަށް ހުށަހަޅާފައިވާނެ ކަމަށެވެ. ނަމަވެސް އެކަން ސްކޫލުން ބަލާފައި ނުވާ ކަމަށްވެސް އާއިލާއިން ބުނެއެވެ.
ކިޔުންތެރިންގެ ހިޔާލު