އެސްއީޒެޑް ބޯޑް އޮފް އިންވެސްޓްމަންޓްސް އެކުލަވާލައްވައިފި
4 ސެޕްޓެމްބަރ 2014 20:48
ބޯޑް އޮފް އިންވެސްޓްމަންޓްގެ ޗެއަރމަނަކަށް ހަމަޖެއްސެވީ ޓުއަރިޒަމް މިނިސްޓަރ އަހުމަދު އަދީބް
ސްޕެޝަލްސް އިކޮނޮމިކް ޒޯން (އެސްއީޒެޑް) ގާނޫނުގެ ދަށުން އިގްތިސާދީ ސަރަހައްދުތައް ބެލެހެއްޓުމަށް ބޯޑް އޮފް އިންވެސްޓްމަންޓްސް ރައީސްުލްޖުމްހޫރިއްޔާ އަބްދުﷲ ޔާމިން އެކުލަވާލައްވައިފިއެވެ.
އެ ބޯޑުގެ މެމްބަރުންގެ ގޮތުގައި ހަމަޖެއްސެވީ ފިޝަރީޒް މިނިސްޓަރު މުހައްމަދު ޝައިނީ، އެންވަޔަރުމަންޓް މިނިސްޓަރު ތޯރިގު އިބްރާހިމާއި، ޔޫތް މިނިސްޓަރު މުހައްމަދު މަލީހު ޖަމާލެވެ. ޗެއާމަނަކަށް ހަމަޖެއްސެވީ ޓޫރިޒަމް މިނިސްޓަރ އަހުމަދު އަދީބެވެ. ވައިސް ޗެއާގެ ގޮތުގައި ހަމަޖެއްސެވީ އިކޮނޮމިކް މިނިސްޓަރު މުހައްމަދު ސައީދެވެ.
ބޯޑުގެ އިދާރީ މަސައްކަތްކުރުމަށް ނިންމާފައިވަނީ ރައީސް އޮފީހުގައިއެވެ. ނަމަވެސް ބޯޑު އެކުލަވާލައްވާފައިވަނީ ޓޫރިޒަމް މިނިސްޓްރީގައިއެވެ.
ބޯޑުގެ މަސައްކަތްތަކަކީ އިގްތިސާދީ ޒޯނު ގާއިމްކުރުމަށް ހުށަހަޅާ ހުށަހެޅުންތަކުގެ މަސައްކަތްތައް ބެލެހެއްޓުމާ އެސްއީޒެޑް ގަވައިދު އެކުލަވައިލުމެވެ.
ކިޔުންތެރިންގެ ހިޔާލު