މާލޭގައި ބުޅާ ރޯގާ ފެތުރެން ފަށައިފި
4 ސެޕްޓެމްބަރ 2014 20:10
ބުޅަލަށްޖެހޭ ނުރައްކާތެރި ރޯގާއެއްކަމަށްވާ "ފީލައިން" މާލޭގައި ފެތުރެން ފަށައިފިކަމަށް މިނިސްޓްރީ އޮފް ފިޝަރީޒް އެންޑް އެގްރިކަލްޗާއިން ހާމަކޮށްފިއެވެ.
އެ މިނިސްޓްރީން ނެރެފައިވާ ބަޔާނެއްގައި ބުނެފައިވަނީ މި ބަލި ފެތުރެން ފަށައިފައިވަނީ، މީގެ ދުވަސްކޮޅެއް ކުރިން ކަމަށެވެ. އެ ބަލި ޖެހިފައިވާ ގިނައަދަދެއްގެ ބުޅާ މާލެއިން މަރުވެފައިވާކަމަށް ވެސް ބަޔާނުގައި ބުނެފައއެވެ. އެބަލީގެ މައުލޫމާތު މިނިސްޓްރީއަށް ލިބިނުލެއް ލަސްކަމުން މާލޭގެ ބޮޑު ސަރަހައްދަކަށް ވައިރަސް ފެތުރޭނެކަމަށް ލަފާކުރެވޭކަމަށް ވެސް ބުނެފައިވެއެވެ.
ބަލި ޖެހުމުގެ ސަބަބުން ބުޅާ ހުންއައިސް، ވަރުދެރަވެ، ބޭރަން ހިންގާނެކަމަށް އެ މިނިސްޓްރީން ބުނެއެވެ. ބަލި ޖެހޭތާ ދެ ދުވަހާ 14 ދުވަހުގެ ތެރޭގައި ބުޅާ ކުއްލިގޮތަކަށް މަރުވާނެކަމަށް އެ ބަޔާނުގައި ބުނެފައިވެއެވެ. އެއް ބުޅަލުން އަނެއްބުޅަލަށް ބަލި ފެތުރޭނީ ބުޅަލުގެ ކެހެރީގައި އުޅޭ ފަނިފަކުސާ އަނެއް ބުޅަލުގެ ގަޔަށް އެރުމުންނެވެ. ނުވަތަ ބުޅަލުގެ ގައިން ނުކުންނަ ދިޔަ އެހެން ބުޅަލެއްގެ ގައިގައި ހޭކުމުން ކަމަށް ބަޔާނުގައި ބުނެފައިވެއެވެ. ބަލީގެ އަލާމާތްތައް ފެންނަށްފަށާތައި ދެ ދުވަސް ނުވަތަ ތިން ދުވަހުގެ ތެރޭގައި އެފަދަ ބުޅެލެއް އެހެން ބުޅަލަކައި ގައިގޯޅިވެ އުޅެއްޖެނަމަ ވައިރަސް ފެތުރޭނަކަމަށް ފިޝަރީޒް މިނިސްޓްރީން ހާމަކުރެއެވެ. ބުޅަލެއް ބަލިން ސަލާމަތްވާތައި ހަ ހަފުތާ ފަހުންވެސް ބަލި ފެތުރުމުގެ ފުރުސަތު އޮންނަކަމަށް ބަޔާނުގައި ބުނެފައިވެއެވެ.
ބުޅޭ ގެންގުޅޭ ތަންތަނަށް ބަލި ފެތުރިއްޖެނަމަ އުމުރުން ހަތަރު ހަފުތާއިން މަތީގެ ހުރިހާ ބުޅަލަކަށް ފަރުވާ ދެވިއްޖެނަމަ ބަލި ފެތުރުމުގެ ފުރުސަތު ކުޑަކަމަށް ވެސް ފިޝަރީޒް މިނިސްޓްރީގެ ބަޔާނުގައި ބުނެފައިވެއެވެ.
މި ބައްޔަކީ ބުޅަލުން އިންސާނުންގެ ހަށިގަނޑަށް ފެތުރޭ ބައްޔެއް ނޫންކަމަށް ވެސް ބަޔާނުގައި ބުނެފައިވެއެވެ.
ކިޔުންތެރިންގެ ހިޔާލު