ސީއެންއެމްގެ ނޫސްވެރިއާގެ މައްޗަށް ކޮށްފައިވާ ދައުވާ އަނބުރާ ގެންދިއުމަށް އެމްޑީޕީން ގޮވާލައިފި
4 ސެޕްޓެމްބަރ 2014 13:43
ސީއެންއެމްގެ ނޫސްވެރިއާ އަބްދުﷲ ހަސީން: ފޮޓޯ ސީއެންއެމް
ސީއެންއެމްގެނޫސްވެރިއާގެ އަބްދުﷲ ހަސީނުގެ މައްޗަށް އުފުލާފައިވާ ދައުވާ އަނބުރާ ގެންދިއުމަށް އެމްޑީޕީން ގޮވާލައިފިއެވެ.
އެމްޑީޕީން ނެރެފައިވާ ބަޔާނުގައި ބުނެފައިވަނީ، އޭނާގެ މައްޗަށް ދައުލަތުން ކްރިމިނަލް ކޯޓުގައި ދަޢުވާ ކޮށްފައިވަތީއެކަމާ ކަންބޮޑުވާކަމަށެވެ. އަދި އެ ދައުވާއަނބުރާ ގެންދެވުމަށް ޕްރޮސިކިޔުޓަރ ޖެނެރަލަށާއި ސަރުކާރަށް ގޮވާލާކަމަށެވެ.
ޙަސީނުގެ މައްޗަށް ދައުލަތުން ދައުވާ އުފުއްލަވާފައިވަނީ ނޫސްވެރިއެއްގެ ޙައިޞިއްޔަތުން 2012 ވަނަ އަހަރު ބޭއްވުނު މުޒާހަރާއެއް ކަވަރުކުރެއްވުމުގެތެރޭގައި އޭނާ ޙަރަކާތްތެރިވަމުން ދަނިކޮށްކަމަށް އެމްޑީޕީގެ ބަޔާނުގައި ބުނެފައިވެއެވެ.
އޭނާގެމައްޗަށް ދައުލަތުން މިހާރު އުފުއްލަވާފައިވާ ދަޢުވާއަކީ ރައްޔިތުންގެ މައްޗަށް ދައުލަތުން އެންމެގިނައިން އުފުއްލަވާ ޒާތުގެ އެއް ދަޢުވާކަމުގައިވާކަމަށް ވެސް އެ ޕާޓީން ބުނެއެވެ.
"އަދި އޭނާގެ މައްޗަށް ދައުލަތުން މިހާރު އުފުއްލަވާފައިވާ ދަޢުވާއަކީ ރައްޔިތުންގެ މައްޗަށް ދައުލަތުން އެންމެ ގިނައިން އުފުއްލަވާ ޒާތުގެ އެއް ދަޢުވާކަމުގައިވާ ފުލުހުންގެ ވާޖިބަށް ހުރަސްއެޅިކަމަށް ބުނާ ދަޢުވާއެއްކަން ފާހަގަކުރަން. މިވަރުގެ ދަޢުވާއެއްއެހާ ގިނަ އަހަރުތަކެއް ފަހުން ދައުލަތުން ޢަބްދުﷲ ޙަސީނުގެ މައްޗަށްއުފުއްލަވާފައިވާތީ އެކަން ވެސް ކަންބޮޑުވުމާއެކު ފާހަގަކުރަން. އަދި ވަކިންޚާއްޞަކޮށް މި ދަޢުވާއަކީ ދިވެހިރާއްޖެއަށް 2008 ގައި ޑިމޮކްރެޓިކްޤާނޫނު އަސާސީއެއް ލިބުނުފަހުން ނޫސްވެރިއެއްގެ މައްޗަށް ކޯޓެއްގައިއުފުލުނު ފުރަތަމަ ޖިނާޢީ ދަޢުވާކަން ހިތާމައާއެކު ފާހަގަކުރަން،"އެމްޑީޕީގެ ބަޔާނުގައި ބުނެފައިވެއެވެ.
ހަސީނުގެމައްޗަށް ދައުވާކޮށްފައިވާ ދަނޑިވަޅަކީ، ނޫސްވެރިންނަށް ގޮންޖެހުންތައް ގިނަދަނޑިވަޅެއްކަމަށްވެސް އެ ޕާޓީން ބުނެއެވެ.
ކިޔުންތެރިންގެ ހިޔާލު