ފެރީ ޓާމިނަލްތަކުގައި ކެމެރާ ހަރުކުރަން ފަށައިފި

މާލެ، ހުޅުމާލެ އަދި އިވިލިމާލޭ ފެރީ ޓާމިނަލްތަކުގައި ސީސީޓީވީ ކެމެރާ ހަރުކޮށް ދަތުރުކުރާ ފަރާތްތަކުގެ ޙަރަކާތްތައް ބެލޭނެގޮތްހަމަޖެއްސުމުގެ މަސައްކަތް ފަށައިފައިފިކަމަށް މޯލްޑިވިސް ޕޮލިސް ސާވިސް އިން ހާމަކޮށްފިއެވެ.

މިމަސައްކަތުގެ ދަށުން ހުޅުމާލޭ ޓާމިނަލުގައި ސީސީޓީވީކެމެރާ މިހާރު ހަރުކޮށްފައިކަމަށް ފުލުހުން ހާމަކުރެއެވެ. އެ ކެމެރާ ހަރުކޮށްފައިވަނީ ފުލުހުންގެ ހަރަދުގައި ކަމަށް ފުލުހުން ހާމަކުރެއެވެ.

މާލެ އަދި ވިލިމާލޭގެ ފެރީ ޓާމިނަލްތަކުގައި ކެމެރާ ހަރުކުރުމުގެ މަޝްވަރާތައް އެމްޓީސީސީއާއެކު ކޮށްފައިވާކަމަށް ފުލުހުން ބުނެއެވެ. މާލޭގެ ދެ ޓާމިނަލާއި، ވިލިމާލޭ ޓާމިނަލުގައި ކެމެރާ ހަރުކުގެ ހަރަދު އެމްޓީސީސީން ކުރުމަށް އެއްބަސް ވެވިފައިވާކަމަށްވެސް ފުލުހުން ބުނެއެވެ.

މިމަސައްކަތަކީ  އަމާންކަން ދެމެހެއްޓުމާއި ކުށް މަދުކުރުމަށް ކުރާ މަސައްކަތެއްކަމަށް ފުލުހުން ހާމަކުރެއެވެ.