ހައްގުތައް ހޯދުމަށް ނުކުތުމަށް ރިޟްވާނުގެ މަންމަ ގޮވާލައިފި

މާރާމާރީތައް ފަދަ ކަންކަމުގައި ދުނިޔެ ދޫކޮށްފައިވާ ޒުވާން ކުދިންނާއި މީހުނަށް އިންސާފު ހޯދުމަށް ނުކުތުތުމަށްރިޟްވާނުގެ މަންމަ އައިމިނަތު އީސާ އެދިލައްވައިފިއެވެ.

މިނިވަން ނޫހުގެ ނޫސްވެރިއާ ރިޟްވާން އަށްވީނުވީއެއް ނޭންގި ގެއްލުމާއި ގުޅިގެން އޭނާގެ މަންމަ ވަނީ ހުރިހާ މައިންނަށްހައްޤު ހޯދުމަށް އޭނާ އާއި އެކީ ބައިވެރި ވުމަށް އެދި ސިޓީއެއް ފޮނުވައިފިއެވެ.  އަދި ސަރުކާރު ޖަވާބު ދާރީ ކުރުމަށް ހައްޤު ގެއްލިފައިވާ ހުރިހާ މީހުންގެ މައިންނަށް ވަނީ ހައްޤު ހޯދުމަށް ތެދުވުމަށް ގޮވާލައިފައެވެ. އަދި މިހާރަކަށް އައިސް ރާއްޖޭގައި ނުރަށްކާތެރި މާރާމާރީ ތަކާއިމީހުން މެރުން އާންމު ވެފައި ވާކަން ވަނީ ސިޓީ ގައި ވިދާޅުވެފައިވެއެވެ. އަދި އެންމެ ފަހުން މީހުން ގެއްލުމުގެ ސަގާފަތެއް ފެށިފައިވާ ކަމަށްވެސް މިސިޓީގައި ބުނެފައިވެއެވެ.

އަދި ރާއްޖޭގެ ހިނގާ މި ބިރުވެރި ކަންކަމުގެޝިކާރައަކަށް ވާ މީހުނަށް ހައްޤު ހޯދިފައި ނުވާކަން ވެސް ވަނީ ފާހަގަ ކޮށްފައެވެ.އަދި އައިޝަތު އީސާގެ މި ސިޓީގައި ވަނީ ސަރުކާރުގެ މުއައްސަސާތަކުން ޖަވާބުދާރީކުރުވުމާއި އަދި އެތަން ތަނުގެ މަސައްކަތް ތަށް އަވަސް ކުރުމަށް އޭނާ ކުރައްވާމަސައްކަތްތަކުގައި ބައިވެރި ވުމަށް ގޮވައިލައްވައިފައެވެ.

 އުމުރު 28 އަހަރުގެ އަހުމަދު ރިޟްވާން އެންމެ ފަހުން ފެނިފައިވަނީ މި މަހުގެ ހަތް ވަނަ ދުވަހުގެ ރޭގައެވެ. އެރޭ އޭނާވަނީ ހުޅުމާލެ އަށް ދިއުމަށްޓަކައި ފެރީ ޓާމިނަލަށް ވަދެފައެވެ. އޭނާއެތަނަށް ވަދެފައިވާ މަންޒަރުވަނީ ސީސީޓީވީ ކެމެރާތަކަށް އަރައިފިއެވެ. އެރޭ އޭނާ ލައިގެންހުރީ ކަޅުކުލައިގެ ފަޓުލޫނަކާއި ގަމީހެކެވެ.ރިޟްވާނާ ބެހޭ އެއްވެސް މައުލޫމާތެއް ލިބިއްޖެނަމަ 7791120 އާއި 7773250 މި ދެނަންބަރަށް ގުޅައި މައުލޫމާތު ހިއްސާ ކުރުމަށް އާއިލާއިންވަނީ އެދިފައެވެ.