އީ-ޕްރިސްކްރިޕްޝަންގެ ޚިދުމަތް އައިޖީއެމްއެޗުގައި ފަށައިފި
1 ސެޕްޓެމްބަރ 2014 16:10
އައިޖީއެމްއެޗުގައި އީ ޕްރިސްކްރިޕްޝަންގެ ހިދުމަތް މިއަދުން ފެށިގެންދޭން ފަށައިފިއެވެ.
މިއަދު ތާރަފްކުރި އީ ޕްރިސްކްރިޕްޝަނަކީ ބަލި މީހުންގެ ބައްޔާ ބެހޭ މައުލޫމާތު ކޮމްޕިއުޓަރުގައި ރައްކާކޮށް ބެލެހެއްޓުމާއި ބަލިމީހުންގެ ބޭސް ސިޓީ ކޮމްޕިއުޓަރު މެދުވެރިކޮށް ދޫކުރުމުގެ ޚިދުމަތެވެ.
ދުވަސް ނިއުސްއަށް މައުލޫމާތު ދެއްވަމުން އައިޖީއެމްއެޗުގެ މީޑިއާ ކޯޑިނޭޓަރ ޒީނަތު އަލީ ހަބީބު ވިދާޅުވީ ސިސްޓަމަށް މިފަދަ ބަދަލެއް ގެނައުމުގެ މަގްސަދަކީ ބަލި މީހުންގެ ހުރިހާ މައުލޫމާތު އިންޓަރނެޓް ގެ ޒަރިއްޔާއިން ރައްކާކުރެވި އަދި އެ މައުލޫމާތު ހޮސްޕިޓަލުގެ ކަމާބެހޭ ފަރާތްތަކާ ފަސޭހައިން ހިއްސާ ކުރުމެވެ.
" އޮންލައިންކޮށް މި ސިސްޓަމްގެ އެހީގައި ބަލިމީހުންގެ ބަލީގެ ހުރިހާ އިންޕޮމޭޝަންތައް ރައްކާކުރެވި އިންފޮމޭޝަންތައް ހޮސްޕިޓަލަށް އެނގިގެންދާނެ" ޒީނަތު ވިދާޅުވިއެވެ.
ޒީނަތު ވިދާޅުވީ މިއަދުން ފެށިގެން އީ ޕްރިސްކްރިޕްޝަން ދޫކުރަން ފެށި ނަމަވެސް ދެ ގޮތަކަށް ބޭސް ސިޓީ މިހާރު ދޫކުރެވޭނެ ކަމަށްށެވެ. ދެ ގޮތަކަށް ބޭސް ސިޓީ މިހާރު ދޫކުރަނީ އީ ޕްރިސްކްރިޕްޝަން ހިދުމަތަކީ މުޅިން އާ ހިދުމަތަކަށް ވުމުން އެ ހިދުމަތް ފަށާއިރު ދިމާވެދާނެ މައްސަލަތައް ހައްލުކުރުމުގެ ގޮތުން ކަމަށް އޭނާ ވިދާޅުވިއެވެ.
ކިޔުންތެރިންގެ ހިޔާލު