އެމްޑީޕީގެ ރައީސްކަމަށް ނަޝީދު އިންތިހާބު ކޮށްފި
30 އޯގަސްޓް 2014 10:17
ސަޕޯޓަރުންތަކެއް ރައީސް މުހައްމަދު ނަޝީދު އުފުލައިލަނީ: ފައިލް-ފޮޓޯ
އެމްޑީޕީގެ ރައީސްކަމަށް މުހައްމަދު ނަޝީދު، އިންތިހާބުކޮށްފިއެވެ.
އިއްޔެ ހަވީރު ބޭއްވި އެމްޑީޕީގެ އެތެރޭގެ އިންތިހާބުގެ ވަގުތީ ނަތީޖާ ދައްކާގޮތުން ކުރީގެ ރައީސް މުހައްމަދު ނަޝީދު އެ މަގާމަށް އިންތިހާބުވެ ވަޑައިގެންނެވީ 33709 ވޯޓުލިބިވަޑައި ގަންނަވައިގެންނެވެ.
ރައީސް ނަޝީދުގެ އިތުރުން އެ ޕާޓީގެ އިސް ތިން މަގާމަކަށް ވަނީ މީހުން އިންތިހާބުކޮށްފައެވެ. އެއީ ޗެއާ ޕާސަން ކަމުގެ މަގާމަށް ތޮއްޑޫ ދާއިރާގެ ކުރީގެ މެމްބަރު އަލީވަހީދެވެ. ނައުބު ރައީސްކަމުގެ މަގާމަށް ބާރަށު ދާއިރާގެ ކުރީގެ މެމްބަރު މުހައްމަދު ޝީފާޒެވެ. އަދި ޗެއާޕާސަންގެ ނައިބު (މާލީގެ) މަގާމަށް އަލީ ނިޔާޒެވެ.
އިއްޔެ ބޭއްވި އިންތިހާބުގައި ކޮންމެ މަގާމަކަސްވެސް ކުރިމަތި ލައްވާފައިވަނީ އެންމެ ބޭފުޅެކެވެ. އެހެންކަމުން ނަގައިފައިވަނީ "ރެފަރެންޑަމް" (ފެންނަ ނުފެންނަ) ވޯޓެކެވެ. އެމްޑީޕީގެ އަސާސީ ގަވައިދު ބުނާގޮތުން އެފަދަ ހާލަތެއްގައި ކުރިމަތިލައްވާ ބޭފުޅުން ޕާޓީގެ 10 ޕަސަންޓު މީހުންގެ ތާއީދު ހޯދަންޖެހެއެވެ.
ކިޔުންތެރިންގެ ހިޔާލު