ރާއްޖެއަށް ކެނަބިސް އޮށް އެތެރެކުރި މީހަކު އުމުރަށް ޖަލަށް
28 އޯގަސްޓް 2014 11:40
ވ. ފެލިދޫ، ޖަބުރޯލުމާގެ، އިބްރާހީމް ޝަފާހް (26އ) -- ފޮޓޯ: ޕޮލިސް އެރެސްޓް ސްޓޭޝަން
ރާއްޖެއަށް ކެނަބިސް އޮށް އެތެރެ ކުރި މީހަކު ޢުމުރަށް ޖަލަށް ލުމަށް ކްރިމިނަލް ކޯޓުން ޙުކުމް ކޮށްފިކަމަށް ފުލުހުން ހާމަކޮށްފިއެވެ.
ފުލުހުން ބުނީ މި މައްސަލައިގައި އިއްޔެ ޙުކުމް ކޮށްފައިވަނީ ވ. ފެލިދޫ، ޖަބުރޯލުމާގެ، އިބްރާހީމް ޝިފާޙު، 26 ގެ މައްޗައްކަމަށެވެ.
ޝިފާޙު ހައްޔަރު ކޮށްފައިވަނީ 2011 ވަނަ އަހަރުގެ އޮކްޓޯބަރ މަހުގެތެރޭގައި ކަމަށް ފުލުހުން ބުނެއެވެ. ހުޅުލޭ އެއާޕޯޓު ތެރެއިން އޭނާ ބަލައި ފާސްކުރިއިރު އޭނާ ވޮލެޓު ތެރެއިން 16 ކެނަބިސް އޮށް ފެނިފައިވާކަމަށް ފުލުހުން ބުނެއެވެ. އަދި އާނާގެ ދަބަސް ތެރެއިން 26 ކެނަބިސް އޮށް ފެނިފައިވާކަމަށް ވެސް ފުލުހުން ބުނެއެވެ. ނަމަވެސް އޭނާ ރާޖެއަށް އައީ ކޮން ގައުމަކުންކަމެއް ފުލުހުން ހާމަކޮށްފައެއް ނުވެއެވެ.
ކޯޓުން އޭނާގެ މައްޗަށް ހުކުމް ކޮށްފައިވަނީ އޭނާއަތުން ފެނުނު ތަކެއްޗަކީ ކެނަބިސް އޮށް ކަމަށް ތަހުލީލު ރިޕޯޓުންނާއި، ހެކިބަހުން ސާބިތުވެފައިވާތީކަމަށް ވެސް ފުލުހުން ހާމަކުރެއެވެ.
ކިޔުންތެރިންގެ ހިޔާލު