ޣައްޒާއަށް ރައްދުކޮށްދިނުމަށް 29.4 މިލިއަން ރުފިޔާ ގަތަރު ރެޑްކްރެސެންޓާ ހަވާލުކޮށްފި
28 އޯގަސްޓް 2014 10:19
"ހެލްޕް ޣައްޒާ ޓެލްތޯން" އާއި "ޣައްޒާ ފަންޑު މޯލްޑިވިސް" އިން ލިބުނު 29.4 މިލިއަން ރުފިޔާ ގަތަރު ރެޑްކްރެސެންޓާ ހަވާލުކޮށްފިއެވެ.
ގަތަރު ރެޑްކްރެސެންޓާ ފައިސާ ހަވާލުކޮށްފައިވަނީ ރޭ މޯލްޑިވިސް ބްރޮޑްކާސްޓިން ކޮމިޝަން (އެމްބީސީ) ގައި ބޭއްވި ހަފުލާއެއްގައިއެވެ.
އެ ޖަމާއަތާ ފައިސާ ހަވާލުކޮށްފައިވަނީ ކާބޯތަކެއްޗާ، ބޭސްފަރުވާއަށް ބޭނުންވާ ތަކެތި ޣައްޒާ ރައްޔިތުންނަށް ފޯރުކޮށްދިނުމަށެވެ. ފައިސާއާ ހާވާލުވެ ލެއްވީ ގަތަރު ރެޑް ކްރެސެންޓުގެ ރައީސް ޑރ. މުހައްމަދު ބިން ޣާނިމް އަލް މާދީދެވެ. އެ ރަސްމިއްޔާތުގައި ފޮރިން މިނިސްޓަރ ދުންޏާ މައުމޫނު، ހެލްޕް ޣައްޒާ ޓެލެތޯން ގެ ސްޓިއަރިން ކޮމެޓީގެ ޗެއާމަން އިބްރާހިމް އުމަރު މަނިކާއި، އަދާލަތު ޕާޓީގެ ރައީސް އިމްރާމް އަބްދުﷲ ބައިވެރިވެވަޑައިގެންނެވިއެވެ.
ޢައްޒާއަށް އެހީވުމަށް ދިވެހި ސަރުކާރާ، ރައްޔިތުން ދެއްކި ނަމުނާއަށް ޑރ. ޣާނިމް އަލް މާދީދް ތައުރީފުކުރެއްވިއެވެ. އަދި ދިވެހިން ހަވާލުކުރި ފައިސާ އާމާނަތްތެރިކަމާއެކު ރައްދުކޮށްދެއްވާނެކަމުގެ ޔަގީންކަން އެނާ ވަނީ ދެއްވައިފައެވެ.
ކިޔުންތެރިންގެ ހިޔާލު