ސްޓެލްކޯ ޕަމްޕު ސްޓޭޝަނުގެ ހޮޅިއެއް ފަޅައިގެން ގޮސް ފަތާ ޓްރެކް ސަރަހައްދަށް ތެޔޮ އެޅިއްޖެ

ސްޓޭޓް އިލެކްޓްރިކް ކޮމްޕެނީ (ސްޓެލްކޯ) ގެ ޕަމްޕު ސްޓޭޝަނުގެ ހޮޅިއަކުން ތެޔޮ ލީކުގެ މާލޭ ފަތާ ޓްރެކު ސަރަހައްދުގެ މޫދަށް ތެޔޮ އެޅިއްޖެއެވެ.

 މޫދަށް އެޅިފައިވާ ތެޔޮ ސާފުކުރުމުގެ މަސައްކަތް ކުރަމުން އަންނަކަމަށް ސްޓެލްކޯއިން ބުނެއެވެ. އަދި ފަޅައިގެން ގޮސްފައިވާ ތެޔޮ ހޮޅި ބައްދައި ތެޔޮ ލީކުވުމުގެ މައްސަލަ މިހާރު ހައްލުކުރެވިފައިވާކަމަށް އެ ކުންފުނިން ބުނެއެވެ. މޫދަށް އިތުރަށް ތެޔޮ ލީކުވިޔަނުދިނުމަށް "ޕްރޮޓެކްޝަން" ޝީޓު ޖެހުމުގެ މަސައްކަތް ކުރަމުން އަންނަކަމަށް ވެސް އެ ކުންފުނިން ނެރުނު ބަޔާނުގައި ބުނެފައިވެއެވެ.

ސްޓެލްކޯގެ އިންޖީނުތަކަށް ތެޔޮ ބަރުކުރާ ޕަންޕުތައް ހުންނަނީ ބޮޑުތަކުރުފާނު މަގުގައި ހުންނަ "އީޒީ ފިލް" ޕެޓްރޯލް ސްޓޭޝަން ކުރިމަތީގައިއެވެ.