ޝިހާމް މަރައިލިކަމަށް ނިޔާޒު އިއުތިރާފު ވެއްޖެ
19 އޯގަސްޓް 2014 14:54
ކ. ތުލުސްދޫގައި މިދިޔަ މަހު މަރާލި އެރަށު ބިޖިލީއުފާ، އަލީ ޝިހާމް މަރާލި ކަމުގެ ދައުވާލިބޭ އެރަށު ރެޑްރޯސް، މުހައްމަދު ނިޔާޒު ކޯޓުގައި މިއަދު ކުށަށް އިއުތިރާފްވެއްޖެއެވެ.
ޝިހާމަށް ވަޅިން ހަމަލާދިނީ އޭނާއާ މެދު އޮތް ނަފްރަތެއްގެ ސަބަބުން ކަމަށް ވެސް މިއަދު އޮތް އަޑުއެހުމުގައި ނިޔާޒު ވަނީ ބުނެފައެވެ.
"އަޅުގަނޑު ކުރި ކަމެއް އެއީ. މިއީ އަޅުގަނޑު އޭނާއާ މެދު އޮތް ނަފްރަތެއްގެ ސަބަބުން ކުރި ކަމެއް،" ޝަރީއަތުގައި ނިޔާޒް ބުންޔެވެ.
ޝިހާމައަށް ހަމަލާދިނުމަށް އޭނާ ބޭނުންކުރި 11 އިންޗީގެ ވަޅިއަކީ އޭނާގެ ގޭގައި ބޭނުންކުރާ ވަޅި އެއްކަމަށް ނިޔާޒް ބުނެފައިވެއެވެ. އަދި ހަމަލާ ދިނުމަށް ފަހު އާއިލާގެ ބައެއް މީހުންނާއި، އޭނާ ރަށްޓެހިވެގެން އުޅޭ ކުއްޖާ ގާތުގައި އަމިއްލަޔަށް އެ ވާހަކަތައް ކިޔައިދީފައިވާކަމަށް ވެސް ބުންޏެވެ. މި ވާހަކަތައް ކިޔައިދިނީ އެއްވެސް މީހެއްގެ މަޖުބޫރުންނޫން ކަމަށް ވެސް ނިޔާޒްވަނީ ޝަރީޔަތުގައި ބުނެފައިވެއެވެ.
މި މައްސަލައިގެ އަޑުއެހުމެއް ދެން އޮންނާނީ މިމަހުގެ 28 ވަނަ ދުވަހުއެވެ.
ކިޔުންތެރިންގެ ހިޔާލު