ޗައިނާގެ ކަލްޗަރަލް ސެންޓަރަކަށް ރައީސް ޔާމީން ޒިޔާރަތްކުރައްވައިފި
18 އޯގަސްޓް 2014 15:33
ރައީސް ޔާމިން ޗައިނާގެ ކަލްޗަރަލް ސެންޓަރަށް ދިވެހި ލިއުމެއް ހަދިޔާ ކުރައްވަނީ: ފޮޓޯ ރައީސް އޮފީސް
ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، ޗައިނާގެ ސޫޖޯއަށް ވަޑައިގެން، އެރަށުގައި ހުންނަ ކަލްޗުރަލް އެންޑް އާރޓްސް ސެންޓަރަށް މިއަދު ޒިޔާރަތް ކުރައްވައިފިއެވެ.
ރައީސުލްޖުމްހޫރިއްޔާ އެ ސެންޓަރަށް ވަޑައިގެންނެވުމުން އެމަނިކުފާނަށް މަރުޙަބާ ދެންނެވީ ސޫޖޯ އިންޑަސްޓްރިއަލް ޕާރކް (އެސް.އައި.ޕީ) ގެ ވައިސް ޗެއަރ މެޑަމް ސުން ޔަންޔަން ކަމަށް ރައީސް އޮފީހުން ބުނެއެވެ. އަދި އެ ސެންޓަރާ ބެހޭ ފުރިހަމަ މަޢުލޫމާތު އެކަމަނާ ރައީސުލްޖުމްހޫރިއްޔާއަށް އެރުވިކަމަށް ވެސް އެ އޮފީހުން ބުނެއެވެ.
ސޫޖޯ ކަލްޗުރަލް އެންޑް އާރޓްސް ސެންޓަރަށް ރައީސުލްޖުމްހޫރިއްޔާ ކުރެއްވި މި ޒިޔާރަތުގައި އެމަނިކުފާނުގެ ސޮއި ކުރައްވާފައިވާ ދިވެހި އަތުލިޔުއްވުމެއް އެ ސެންޓަރަށް ހަދިޔާ ކުރެއްވި ކަމަށް ރައީސް އޮފީހުން ބުނެއެވެ.
ރައީސުލްޖުމްހޫރިއްޔާ އިއްޔެ ވަނީ ޗައިނާގެ ބައެއް ވިޔަފާރި ކުންފުނިތަކާވެސް ބައްދަލުކުރައްވައިފިއެވެ.
ކިޔުންތެރިންގެ ހިޔާލު