ރިޟުވާން ފެނިއްޖެ ކަމަށް ފެތުރޭ ޚަބަރަކީ ދޮގެއް- ޕޮލިސް
18 އޯގަސްޓް 2014 2:57
އަޙުމަދު ރިޟްވާން އަބްދުﷲ ކަމަށް ބުނެ ފޭސްބުކުގައި ފަތުރަމުންދާ ފޮޓޯ
އޯގަސްޓު 7 ވަނަ ދުވަހުގެރެއިން ފެށިގެން ހޯދަމުން ގެންދާ މިނިވަން ނޫހުގެ ނޫސްވެރިޔާ އަޙުމަދު ރިޟްވާން އަބްދުﷲ މަރުވެފައި އޮއްވާ ފެނިއްޖެ ކަމަށް ސޯޝަލް މީޑިޔާގައި ފެތުރެމުން އަންނަ ޚަބަރަކީ ދޮގެއް ކަމަށް ފުލުހުންގެ މީޑިޔާއިން ހާމަ ކުރައްވައިފިއެވެ.
"ސޯޝަލް މީޑިއާގައި ފެތުރެމުން ދަނީ އެއްވެސް ހަގީގަތެއް އޮތް ޚަބަރެއްނޫން. އެއީ ދޮގެއް. އެކަހަލަ އެއްވެސް ކަމެއް އަދި ނުވޭ،" ފުލުހުންގެ މީޑިއާގެ ބޭފުޅަކު ވިދާޅުވިއެވެ.
ރިޟުވާން މަރުވެފައި ކަމަށްބުނެ ފޭސްބުކްގައި ވަނީ ފޮޓޯ އެއްވެސް އާންމު ކޮށްފައެވެ. އެފޮޓޯއިން ފެންނަނީ މޫދުގައި ބަންޑުން އޮތް މީހެކެވެ. އަދި ފޮޓޯގެ ކެޕްޝަންގައި އެއީ ރިޟުވާން ކަމަށާއި، އަދި އޭނާ އޮތީ ބަނޑަށް ވަޅިހެރުމަށްފަހު ހުޅުމާލޭ ފަޅުތެރެއަށް އެއްލާލާފައި ކަމަށްވެސް ވަނީ ބުނެފައެވެ. އަދި އެކަމަށް ޒިންމާވާނީ ކޮންފަރާތަކުންތޯވެސް ސުވާލު ކޮށްފައިވެއެވެ.
ފުލުހުން މިހާރުވެސް ގެންދަނީ އޭނާ ހޯދުމުގެ މަސައްކަތް ކުރައްވަމުންނެވެ. އެގޮތުން މާލެއާއި، ހުޅުމާލެއާއި، ބައެއް ރަށްރަށުގައިވެސް އެމަސައްކަތް ކުރައްވަމުން ގެންދަވާ ކަމަށް ފުލުހުން ރޭ ވަނީ ހާމަކުރައްވާފައެވެ.
ކިޔުންތެރިންގެ ހިޔާލު